जेरुसेलम । इजरायली सेनाले बिहीबार लेबनानको पूर्वी र दक्षिणी क्षेत्रका केही भाग छोड्न स्थानीय बासिन्दालाई आह्वान गर्दै पुनः ती क्षेत्रलाई लक्षित गरी आक्रमण गर्ने चेतावनी दिएको छ ।
यसअघि, नियमित रूपमा इजरायलले प्रहार गर्दै आइरहेको पूर्वमा बेका र दक्षिणमा टायरका विशेष क्षेत्रका वासिन्दाका लागि खाली गर्ने सूचनाहरू जारी गरिएको हो ।
बेका क्षेत्र र तामनाइन क्षेत्रमा अवस्थित भवनमा आश्रित व्यक्तिलाई तत्काल उक्त स्थानबाट सुरक्षित स्थलतर्फ जान इजरायली सेनाका प्रवक्ता अविचाय अद्राईले सामाजिक सञ्जाल एक्समार्फत निर्देशन दिए ।
हिजबुल्लाहसँग सम्बन्धित सुविधा र चासो नजिकै अवस्थित रहेको भन्दै यस क्षेत्रलार्ई निकट भविष्यमा गरिने आक्रमणमा लक्षित गरिने बताइएको छ ।
त्यसैगरी अद्राईले नजिकैको सराइन अलतहता र साफरी क्षेत्रका वासिन्दालाई पनि उक्त क्षेत्र खाली गर्न दुई अन्य सूचना एक्समा पोस्ट गरेका छन् ।
लगत्तै सेनाले दक्षिणी लेबनानको टायर सहरनजिकैको अलहवास क्षेत्रका वासिन्दालाई उक्त क्षेत्र छोड्न आदेश जारी गरेको छ । (रासस/एएफपी)
