इस्लामावाद । पाकिस्तानको दक्षिणपश्चिमी बलुचिस्तान प्रान्तमा हतियारधारी व्यक्तिहरूको समूहले रातभरि गरेको आक्रमणमा २० जना कामदारको गोली हानी हत्या भएको प्रहरीले शुक्रबार जनाएको छ ।
बलुचिस्तानमा पृथकतावादी लडाकु समूहहरूले नियमित रूपमा प्राकृतिक स्रोत निकासी परियोजनालाई निशाना बनाउँदै आएको छ । यो पाकिस्तानको सबैभन्दा गरिबहरूको बसोबास गर्ने प्राप्त मानिन्छ ।
आक्रमण भएको डुकी जिल्लाका प्रहरी प्रमुख असिम शफीले भन्नुभयो– ‘राति ४० जना आक्रमणकारीले राति (स्थानीय समय १२ः३० बजे) आधा घण्टासम्म खानीमा गोली चलाएका थिए ।’
जिल्लाका एक वरिष्ठ सरकारी अधिकारी कलीमुल्लाह काकरले सात जना घाइते भएको बताउनुभयो । ‘आक्रमणकारीले घटनास्थलमा रहेको मेसिनरीमा पनि आगो लगाए’ उहाँले थप्नुभयो ।
बलुचिस्तानमा धेरै निकासी योजना विदेशद्वारा सञ्चालित छन् । उक्त योजनामा सशस्त्र समूहले आक्रमण गर्दै आएको छ ।
उग्रवादी समूह बलुच लिबरेसन आर्मी (बिएलए) ले आइतबार राति दक्षिणी कराँचीमा एउटा सवारी साधनको काफिलेमा भएको बम आक्रमणमा दुई चिनियाँ कोइला कारखानाका कामदारको मृत्यु भएको दाबी गरेको छ ।
आतङ्ककारीले बलुचिस्तानमा नियमित रूपमा पाकिस्तानका अन्य ठाउँबाट आएका आप्रवासी कामदारलाई निशाना बनाउँछन् ।
शुक्रबारको आक्रमण चीन र रुसले स्थापना गरेको क्षेत्रीय समूह शाङ्घाई सहयोग सङ्गठन (एससिओ) शिखर सम्मेलनका सरकार प्रमुखको शिखर सम्मेलनको आयोजना गर्ने केही दिनअघि पाकिस्तानमा भएको हो ।
अमेरिकाको सुनखानीमा कम्तीमा १० व्यक्ति फसे
यता, अमेरिकाको कोलोराडो राज्यमा रहेको सुनखानीमा उपकरणमा खराबीका कारण कम्तीमा १० जना व्यक्ति एक हजार फिट (३०५ मिटर) जमिनमुनि फसेको स्थानीय सञ्चारमाध्यमले जनाएका छन् ।
कोलोराडोको क्रिपल क्रिकको मोली क्याथलिन सुन खानीमा उपकरणमा खराबी भएको थियो ।
स्थानीय समाचार अनुसार खानीबाट ११ जनालाई उद्धार गरिएको र बाँकीको उद्धार भइरहेको छ । खानी क्रिप्पल क्रिक, कोलोराडो नजिकैको पर्यटकीय गन्तव्य हो । (एजेन्सी)
