रवि पौडेल ##

प्रकृति खलबलिएको छ
वर्षा छ, मुसलधारे पानी छ
लगातार चलिरहेको छ
बाटो अवरुद्ध छ
चक्काजाम छ
पहिरोले बस र जिप पुरिएका छन्
सयौँ सवार यात्री मारिएका छन्
जनजीवन अस्तव्यस्त छ
बिपत्ति छ
सरकारले काममा ढिलासुस्ती गरेकोमा
आपत्ति छ

दुईतिहाइको सरकार छ
सेना छ
प्रहरी छ
गृहमन्त्रालय छ
देशमा प्रधानमन्त्री छन्
तर बिपत्तिका बेला
सबै निकाय बेखबर छन्
ढिला छ, सुस्ती छ
सरकार, यसैमा आपत्ति छ

खटिएका छैनन्, होइनन्
सशस्त्र प्रहरी र सेनाका जवान
उद्दारमा खटिएका छन
तर पर्याप्त उपकरण छैनन्
सरकार, यसैमा आपत्ति छ
अहिले देशैभरि बिपत्ति छ

होसियार बनौँ
सतर्क रहौँ
बिपत्मा सहयोग गरौँ
सरकारलाई खबरदार गरौँ
उचित क्षतिपूर्ति दे
घाउमा मलम लागाईदे
सङघ्संस्था र सहयोगी भावनाहरु
सहयोग गरौँ
अप्ठ्यारोमा, बिपत्तिमा ।