तानसेन । पाल्पा जिल्ला रिब्दिकोट गाउँपालिका वडा नं. ४ स्थित जनमैत्री कृषि सहकारीको तेसो वार्षिक साधारणसभा सम्पन्न भएको छ ।
वडाअध्यक्ष सोमकुमार काकीृको प्रमुख आतिथ्यमा २०८१ असोज १४ गते आइतबारका दिन सो कार्यक्रम सम्पन्न भएको हो ।
संस्थाका अध्यक्ष वीरेन्द्र मिदुनको अध्यक्षता तथा सचिव रूपा रानाको सञ्चालनमाअघि बढेको साधारणसभाको उद्घाटन प्रमुख अतिसमेत रहनुभएका कार्कीले पानसमा बत्ती बालेर गर्नुभएको थियो ।
सो अवसरमा उद्घाटन मन्तव्य राख्दै उहाँले सहकारीमा भएका समस्या पहिचान गरी सेयर सदस्य आफै स्वनियमन, स्वालम्वन, स्वउत्तरदायी भएर काम गरे संस्थामा समस्या नआउने दाबी गर्नुभयो ।
कृषि सहकारीले उत्पादनमा जोड दिई सदस्यलाई आत्मनिर्भर बनाउन संस्थाले पहल गर्नुपर्ने आवश्यकतामा उहाँले जोड दिनुभयो ।
राष्ट्रियगान र सहिदको सम्मान एक मिनेट मौनधारण गरी अघि बढेको सो कार्यक्रममा कोषाध्यक्ष गिमिसरा गाहा आलेले आर्थिक प्रतिवेदन र आन्तरिक लेखा सुपरीवेक्षण समितिका संयोजक हेमा सारूले आन्तरिक लेखा प्रतिवेदन प्रस्तुत गर्नुभएको थियो ।
कार्यक्रममा असल ऋणि, बचत कर्ता तथा एस.ई.ई. र कक्षा १२ उत्तीर्ण हुने सेयर सदस्यका छोराछोरीलाई सम्मान गरिएको थियो ।
साधारणसभाले आगामी तीन वर्षको लागि नयाँ सञ्चालक समिति चयन गरेका छ । समितिमा अध्यक्षमा वीरेन्द्र मिदुन, उपाध्यक्षमा शान्ति श्रीनेत, सचिवमा दीपा आले, सहसचिवमा पार्वती अधिकारी, कोषाध्यक्षमा कमला सारू तथा सदस्यहरू धनबहादुर गाहा, ओमबहादुर राना, इच्छा विक र मनिषा चित्रे रहनुभएको छ ।
त्यस्तै, लेखा संयोजक हेमा सारू तथा सदस्यमा गिमिसरा आले र समर खाम्चा रहनुभएको छ ।
