अशोक खनाल, भालुबाङ ।
“सम्पूर्ण वामपन्थी, प्रगतिशील र देशभक्त विद्यार्थी एक होऔँ” मूल नाराका साथ अखिल नेपाल राष्ट्रिय स्वतन्त्र विद्यार्थी युनियन (छैठौं) राप्ती गाउँपालिकाको दोस्रो भेला सम्पन्न भएको छ ।

केन्द्रीय अध्यक्ष देवेन्द्र कुँवरको प्रमुख आतिथ्यमा उक्त भेला सम्पन्न भएको हो ।

अशोक खनालको अध्यक्षता, धुर्व बेल्बासेको संचालन र प्रेमलाल चौधरीको स्वागत मन्तब्य र सहिद प्रति एक मिनेट मैनधारण गरि सुरुभएको दोस्रो
भेलालाई अखिल नेपाल बुद्धिजीवी सङ्घका केन्द्रीय सदस्य केशवराज खनाल, अखिल नेपाल शिक्षक सङ्घका दाङका कोषाध्यक्ष रामकृष्ण पौडेल, जातीय समता समाज राप्तीका अध्यक्ष हरिप्रसाद सुनार, राष्ट्रिय जनमोर्चा राप्तीका कावा अध्यक्ष बाबुराम थापा, भालुवाङ होटल व्यवसायी समितिका उपाध्यक्ष पुनाराम भुसाल, रक्तिम सांस्कृतिक दाङको कोषाध्यक्ष विक्रम पाण्डे, अखिल नेपाल महिला सङ्घ राप्तीका सचिव एवम् राप्तीका सदस्य चम्फा भुसाललगायतले शुभकामना दिनुभएको थियो ।

अध्यक्षमा खनाल
भेलाले अशोक खनाल अक्ष्यक्ष रहनुभएको १५ पूर्ण चार वैकल्पिक गरी १९ सदस्यीय अनेरास्ववियु (छैठौं) राप्तीको गाउँपालिका स्तरीय समिति गठन गरिको छ ।

समितिको उपाध्यक्षमा अमृता पौडेल, सचिवमा भूपेन्द्र परियार, सहसचिवमा रचना चौधरी र कोषाध्यक्षमा विकास विष्ट क्षेत्री चयन हुनुभएको छ ।
त्यस्तै, सदस्यमा सैरव पोख्रेल, विपिन चौधरी, मानव चौधरी, आदित्य आचार्य, उषा सुवेदी, मणि पौडेल, निराजन शर्मा, रिना चौधरी र प्रतिक्षा चौधरी रहनुभएको छ ।

विवेक भुसाल, मनिस भट्टराई, लक्ष्मणदेव पाण्डे र स्मृति कुमाल वैकल्पिक सदस्य रहनुभएको सो समितिको सल्लाहकारमा ध्रुव बेल्बासे, ऋषि सुवेदी, सङ्गता भैयामगर, जीवन गिरी र विनोद बेल्बासेलाई चयन गरिएको छ ।

भेलालाई प्रमुख अतिथि तथा अखिल (छैठौं) का अध्क्षय देवेन्द्र कुँवर, अखिल नेपाल शिक्षक सङ्घ दाङका अध्यक्ष रुमालप्रसाद बसेल, अखिल (छैठौं) दाङका पूर्व अध्यक्ष वसन्त आचार्य, राजमो दाङदेउखुरीका सचिव वसन्तराज पौडेल, प्रगतिशील पत्रकार सङ्घका केन्द्रीय सचिवालय सदस्य महेश रिजाललगायतले शुभकामना मन्तव्य दिनुभएको थियो ।