तमघासबजार । गुल्मीमा अखिल (छैठौं) को जिल्ला भेला सम्पन्न भएको छ ।
राष्ट्रिय जनमोर्चाकी केन्द्रीय सदस्य तथा लुम्बिनी प्रदेश सांसद तारा थापाको प्रमुख आतिथ्यमा २०८१ भदौ १५ गते शनिबार उक्त कार्यक्रम सम्पन्न भएको हो ।
भेलाको उद्घाटन प्रमुख अतिथि थापाले गर्नुभएको थियो ।
राजमो केन्द्रीय सदस्य रामकुमार क्षेत्री विशिष्ट अतिथि रहनुभएको उक्त भेलामा अखिल नेपाल शिक्षक सङ्घका केन्द्रीय उपाध्यक्ष कृष्णप्रसाद आचार्य, राजमो लुम्बिनी प्रदेश सदस्य रामेश्वर खत्री, प्रगतिशील पत्रकार सङ्घका केन्द्रीय सदस्य हरि न्यौपाने, शिक्षक सङ्घ गुल्मीका अध्यक्ष नित्यानन्द अर्याल र अखिल नेपाल किसान महासङ्घ (अप्फा) का जिल्ला अध्यक्ष श्यामलाल पन्थको समेत आतिथ्य रहनुभएको थियो ।
सपना थापाको अध्यक्षता तथा सचिन ढकालको सञ्चालन रहेको सो भेलाको स्वागत ललित श्रीसले गर्नुभएको थियो ।
अध्यक्षमा ढकाल
भेलाले सचिन ढकाल अध्यक्ष रहनुभएको १५ सदस्यीय जिल्ला समिति गठन गरेको छ ।
समितिको उपाध्यक्षमा पार्वती पुलामी, सचिवमा प्रतिभा कुँवर, सहसचिवमा एलिसा थापा र कोषाध्यक्षमा सपना थापा रहनुभएको छ ।
त्यस्तै, समितिको सदस्यहरूमा सिमरन केसी, रूपा तामाङ शर्मा, ललित श्रीस, सन्दीप लामिछाने, विनोद विक, काशिराम थापा, सुरेश थापा, आदित्य पन्थ र लक्ष्मण बुचा रहनुभएको छ ।
