बागलुङबजार । “गणतन्त्र र राष्ट्रियताको रक्षा गरौँ, सङ्घीयता खारेज गरौँ” उदघोषसहित सञ्चालित राष्ट्रिय जनमोर्चा बागलुङको विशेष सङ्गठनात्मक अभियान जिल्लाभरि सञ्चालन भएको छ ।
अभियानको चौथो दिन बागलुङको सुखौरा, राङखानी, तङ्ग्राम, काडेबास, जलजला, खुङ्गा र बोहरागाउँमा सातै टोलीको कार्यक्रम सम्पन्न भएको हो ।
टोली नं. १
टोली नं. १ को कार्यक्रम बरेङ गाउँपालिकाको वडा नं. ५ सुखौरामा सम्पन्न भएको छ ।
कार्यक्रममा राजमो गण्डकी प्रदेश उपाध्यक्ष धर्मबहादुर कुँवर, राजमो बागलुङका सचिवालय सदस्य तथा बरेङ गाउँपालिका अध्यक्ष कृष्ण पौडेल, राजमो जिल्ला सदस्य हीराबहादुर थापा, राजमो बरेङका सचिव पृथ्वीबहादुर पुन, सहसचिव तुफान पुन, सल्लाहकार रूपनारायण शर्मा, राजमो वडा समिति सल्यानका अध्यक्ष खडक पुनलगायतले मन्तव्य राख्नुभएको थियो ।
कार्यक्रम वडासमितिका अध्यक्ष चित्रबहादुर पुर्जाको अध्यक्षता, जीवन थापाको सञ्चालन र टीकाराम शर्माको स्वागत मन्तव्यका साथै उक्त कार्यक्रम सम्पन्न भएको थियो ।
टोली नं. २
टोली नं. २ को कार्यक्रम जैमिनी नगरपालिकाको वडा नं. १० राङखानीमा सम्पन्न भएको छ ।
कार्यक्रममा राजमो पूर्व केन्द्रीय सचिव कृष्ण अधिकारी, राजमो केन्द्रीय सदस्य डिलबहादुर दर्जी, राजमो बागलुङका सल्लाहकार तथा जैमिनी नगरप्रमुख नरबहादुर पुन, अखिल नेपाल युवक सङ्घका श्रीप्रसाद थापा, वडा सदस्य फणिन्द्र थापा, सीता विकलगायतले प्रशिक्षणात्मक मन्तव्य दिनुभएको थियो ।
कार्यक्रम टीका आचार्यको अध्यक्षता, जयराम आचार्यको सञ्चालन तथा झलक पुनको स्वागत मन्तव्यसँगै सम्पन्न भएको थियो ।
कार्यक्रममा अखिल नेपाल महिला सङ्घ राङखानीले विविध तिजी कार्यक्रम प्रस्तुत गरेको थियो ।
टोली नं. ३
टोली नं. ३ को कार्यक्रम काठेखोला गाउँपालिकाको वडा नं. ४ तङ्ग्राममा सम्पन्न भएको छ ।
कार्यक्रममा अखिल नेपाल महिला सङ्घकी केन्द्रीय उपाध्यक्ष लक्ष्मी बास्कोटा, राजमो बागलुङका अध्यक्ष तिलक थापा, अखिल नेपाल शिक्षक सङ्घका कमला थापा, राजमो जिल्ला सदस्य लक्ष्मण पुन, टीकासङ्गम विक, जिल्ला सल्लाहकार टेकबहादुर आरसी, अखिल नेपाल जनजाति सम्मेलन बागलुङका सदस्य थमन पुन, अखिल नेपाल भूतपुर्व सैनिक सङ्घका थिरबहादुर राना, जातीय समता समाज बागलुङका सदस्य कृष्ण विकलगायतले शुभकामना मन्तव्य दिनुभएको थियो ।
कार्यक्रम वडासमितिका अध्यक्ष विष्णु कँडेलको अध्यक्षता, ऋता खत्री कार्कीको सञ्चालन र वडासमितिका सदस्य हिरा विकको स्वागत मन्तव्यका साथै सम्पन्न भएको थियो ।
कार्यक्रममा अखिल नेपाल महिला सङ्घ तङ्ग्रामले तिजी कार्यक्रमसहित शुभकामना आदानप्रदान गरेको थियो ।
टोली नं. ४
टोली नं. ४ को कार्यक्रम गलकोट नगरपालिकाको वडा नं. ८ काडेबासमा सम्पन्न भएको छ ।
कार्यक्रममा राजमो केन्द्रीय सदस्य राजेन्द्र ढुङ्गाना, राजमो केन्द्रीय सदस्य बेदीलाल सापकोटा, राजमो बागलुङका जिल्ला सदस्य पदम श्रेष्ठ, अखिल नेपाल शिक्षक सङ्घका केन्द्रीय सदस्य पुष्कर सापकोटा, अखिल (छैठौं) बागलुङका अध्यक्ष गणेश सापकोटा, जनप्रतिनिधि अमृता सुनारलगायतले शुभकामना मन्तव्य दिनुभएको थियो ।
कार्यक्रम वडासमिति अध्यक्ष श्याम सुनारको अध्यक्षता, मनिष कँडेलको सञ्चालन र चूडामणि कँडेलको स्वागत मन्तव्य रहेको थियो ।
टोली नं. ५
टोली नं. ५ को कार्यक्रम बडिगाड गाउँपालिकाको वडा नं. ४ जलजलामा सम्पन्न भएको छ ।
कार्यक्रममा राजमो बागलुङका सचिवालय सदस्य थानेश्वर सुवेदी, युवक सङ्घका महासचिव भीमसेन वन, नेकपा (मसाल) बागलुङका प्रवक्ता मेकबहादुर पाइजा, राजमो बागलुङका सदस्य बोमबहादुर थापा, महिला सङ्घ बडिगाडका सदस्य रेखा श्रीसलगायतका अतिथिले मन्तव्य दिनुभएको थियो ।
कार्यक्रम गम्बरबहादुर श्रीसको अध्यक्षता र तोपबहादुर श्रीसको सञ्चालनमा सम्पन्न भएको थियो ।
टोली नं. ६
टोली नं. ६ को कार्यक्रम ढोरपाटन नगरपालिकाको वडा नं. ४ खुङ्गामा सम्पन्न भएको छ ।
कार्यक्रममा राजमो बागलुङका सचिव भीमलाल पोखरेल, राजमो बागलुङका कोषाध्यक्ष दीपक थापा, तमबहादुर घर्ती, राजमो ढोरपाटन सदस्य नारायण घर्तीलगायतले मन्तव्य दिनुभएको थियो ।
कार्यक्रम रामबहादुर अर्गेजाको अध्यक्षता, कुलबहादुर छन्त्यालको सञ्चालन र इन्द्रमान छन्त्यालको स्वागत मन्तव्यमा सम्पन्न भएको थियो ।
टोली नं. ७
टोली नं. ७ को कार्यक्रम निसीखोला गाउँपालिकाको वडा नं. ३ बोहरागाउँमा सम्पन्न भएको छ ।
कार्यक्रममा राजमो केन्द्रीय सदस्य गौरीश्वर पाण्डे, राजमो बागलुङका उपाध्यक्ष खिमविक्रम शाही, जनजाति सम्मेलन बागलुङका सल्लाहकार प्रगति बुढा, निसीखोला–३ का वडाअध्यक्ष रमेशविक्रम शाही, अखिल नेपाल किसान महासङ्घ बागलुङका कोषाध्यक्ष लीला घर्ती, विक्रम सिर्पालीलगायतले मन्तव्य दिनुभएको थियो ।
कार्यक्रम धनकुमारी शाहीको अध्यक्षता र थमन घर्तीमगरको सञ्चालनमा सम्पन्न भएको थियो ।
