खलङ्गा । प्युठानको झिमरुक–७ मा अखिल नेपाल युवक सङ्घको प्रशिक्षणात्मक भेला सम्पन्न भएको छ ।
राष्ट्रिय जनमोर्चाका केन्द्रीय सदस्य नारायण जिसी र लुम्बिनी प्रदेश सल्लाहकार वासुदेव पोख्रेलको प्रशिक्षणसँगै २०८१ भदौ १५ गते उक्त कार्यक्रम सम्पनन भएको हो ।
कार्यक्रममा जातीय समाज जिल्ला सदस्य कृष्णबहादुर सुनार, अखिल नेपाल किसान महासङ्घ (अप्फा) झिमरुक पालिका समितिका सदस्य पूर्णबहादुर एमसी, अखिल नेपाल युवक सङ्घ पालिका सदस्य भवानीसिंह रसाइली, अखिल नेपाल महिला सङ्घकी पालिका सदस्य वसन्ता विक, शिक्षक सङ्घका पालिका सदस्य तथा वडा समितिका अध्यक्ष गोरबहादुर विक, राजमो वडा समितिका अध्यक्ष दनेन्द्र महतारा, उपाध्यक्ष भोजु गिरी, महिला सङ्घकी वडा समिति अध्यक्ष इन्दु सुनार र खिमबहादुर बस्नेतको समेत आतिथ्य रहेको थियो ।
आयोजक समितिका सचिव अशोक जिसीको अध्यक्षता, वसन्त केसीको सञ्चालनमा अघि बढेको कार्यक्रममा ज्ञातअज्ञात सहिदप्रति एक मिनेट मौनधारणपछि स्वागत भवानी रसाइलीले गर्नु भएको थियो ।
अध्यक्षमा रसाइली
भेलामा नयाँ समितिको प्रस्तावित नामावली युवक सङ्घका जिल्ला सदस्य वसन्त केसीले प्रस्तुत गरेपछि सर्वसम्मत रूपमा पारित भएको थियो ।
निर्वाचित समितिको प्रथम बैठकले भवानीसिंह रसाइलीको अध्यक्षतामा नौ पूर्ण तीन सल्लाहकारसहितको समिति निर्वाचित गरेको छ ।
समितिको घोषणा राजमो वडा समितिका अध्यक्ष दिनेन्द्र महताराले गर्नु भएको थियो ।
समितिको उपाध्यक्षमा कुवेर गिरी, सचिवमा अशोक जिसी, सहसचिवमा पिताम्बर शर्मा र कोषाध्यक्षमा निर्मला सुनार रहनुभएको छ ।
त्यस्तै सदस्यमा अशोक विक, भोजेन्द्र रोका, मीना पोख्रेल, चेतमान एमसी, महेन्द्द्र विक र सन्दीप रसाइली रहनुभएको छ ।
