परासी । राष्ट्रिय जनमोर्चा नवलरासी (बर्दघाट सुस्ता पश्चिम) ले प्रमुख जिल्ला अधिकारीमार्फत प्रधानमन्त्रीलाई ज्ञापनपत्र बुझाएको छ ।
राजमो केन्द्रीय समितिको निर्देशनअनुसार २०८१ भदौ ११ गते मङ्गलबार सो ज्ञापन बुझाइएको हो ।
गणतन्त्र, राष्ट्रियता, सार्वभौमिकता, भौगोलिक अखण्डताको रक्षा, साम्राज्यवादको विरोध, असमान सन्धिसम्झौताको खारेजी, सीमा अतिक्रमणको विरोध, असंलग्न परराष्ट्रनीतिको रक्षा, सङ्घीयताको खारेजीका साथै देशमा विद्यमान भ्रष्टाचार, कालाबजारी, सहकारी रकमको हिनमिना, पर्यावरणको रक्षा, सङ्क्रमणकालीन न्याय, यातायात क्षेत्रको बेथिति, बाढीपहिरोलगायतका विषय सो ज्ञापनमा समावेश गरिएको छ ।
ज्ञापनपत्र बुझाउन राजमो लुम्बिनी प्रदेशका सदस्य तिलकप्रसाद सुवेदी नेतृत्वको छ सदस्यीय टोली जिप्रका पुगेको थियो ।
टोलीमा राजमो नवलपरासीका अध्यक्ष कृष्णबहादुर अधिकारी, जिल्ला कोषाध्यक्ष गिरिराज ज्ञवाली, जिल्ला सदस्यहरू शोभाकान्त लामिछाने, तारक क्षेत्री र सम्झना पौडेल सहभागी हुनुहुन्थ्यो ।
