घोराही (दाङ) । दाङको घोराहीमा अखिल (छैठौं) को भेला सम्पन्न भएको छ ।
केन्द्रीय अध्यक्ष देवेन्द्र कुँवरको प्रमुख आतिथ्यमा २०८१ भदौ ८ गते शनिबार सो भेला सम्पन्न भएको हो ।
भेलाले हेमन्त पौडेल अध्यक्ष रहनुभएको १३ सदस्यीय अखिल (छैठौं) को नगर समिति गठन गरेको छ ।
समितिको उपाध्यक्षमा निशा रोका, सचिवमा विकास विष्ट, सहसचिव सुवास पुन र कोषाध्यक्षमा मनोज सुनार चयन हुनुभएको छ ।
त्यसैगरी सदस्यमा नवीन रामजाली, सुरेश घर्ती, सन्तोष रोका, प्रकाश घर्तीमगर, प्रकाश राना, स्वर्णिम थापा, रोशनी घर्ती र अञ्जली चौधरी रहनुभएको छ।
कार्यक्रममा प्रमुख अतिथि कुँवर, विशिष्ट अतिथि राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले प्रशिक्षण दिनुभएको थियो।
सो अवसरमा राजमो जिल्ला सदस्य मेघराज भट्टराई, राजमो घोराही नगर अध्यक्ष मनिराम खनाल, अखिल (छैठौं) दाङका सहसंयोजक सेवक भट्टराई, प्युठान जिल्ला सचिव लक्ष्मण पुनमगर, प्युठान जिल्ला सदस्य वसन्तराज गोराथोकी, अखिल नेपाल जनजाति सम्मेलनका पूर्वकेन्द्रीय सदस्य रामबहादुर जिएम र राजमो जिल्ला कोषाध्यक्ष हरि खरेललगायतले पनि मन्तव्य राख्नुभएको थियो ।
अखिल (छैठौं) दाङका कोषाध्यक्ष सुनिता आचार्यको अध्यक्षता तथा सचिव दिनेश रैदासको सञ्चालनमा अघि बढेको उक्त कार्यक्रममा उपस्थित सहभागीलाई उत्सव पुनले स्वागत गर्नुभएको थियो ।
