खिमराज चालिसे, सोलन (भारत) ।
‘यो फटाहाको व्यवस्थालाई श्रमजीवीले भत्काउनुपर्छ’ उपर्युक्त धारणा मूल प्रवाह अखिल भारत नेपाली समाजका केन्द्रीय सचिवालय सदस्य धनवीर पुनमगर हो ।

अगस्त १८, २०२४ का दिन आयोजित मूल प्रवाह सोलन नगर समितिको नवौँ सम्मेलनलाई सम्वोधन गर्दै उहाँले यस्तो अभिव्यक्ति दिनुभएको हो ।

प्रमुख अतिथि पुनले वर्गसङ्घर्ष प्रवासी नेपाली श्रमजीवीको बिचबाट उठाउनुपर्ने धारणा राख्नु भयो ।

हिमाचलमा डोमिसाइल सर्टिफिकेट समस्याले गर्दा नेपालीको रासनकार्ड, आधारकार्ड र बैङ्क एकाउन्ट जस्ता जरुरी दस्तावेजको अभावमा स्वास्थ्य, शिक्षा र रोजगार नराम्ररी प्रभावित बनिरहेको उहाँले औल्याउनुभयो ।

पुनले थप्नुभयो– ‘मूल प्रवाहले नेपालीको हकहितको संरक्षणको पक्षमा साङ्गठानिक, कानुनी लडाइँ लडिरहको छ र लडिरहने छ ।’

घोषणासभा पूर्व गगनभेदी नारा लगाउँदै दर्जनौँ नेताकार्यकर्ता, समर्थक, शुभचिन्तकले सहरमा मार्चपास गरेको थिए ।

बलजितसिंह बाबाको अध्यक्षता तथा भूवन केसीको सञ्चालनमा सम्मेलनको बन्दशत्र सम्पन्न भएको थियो । बन्दशत्रमा भूवन केसीले प्रगति प्रतिवेदन र ठाकुर पन्थले आर्थिक प्रतिवेदन प्रस्तुत गर्नुभएको थियो ।

अध्यक्षमा पन्थ

मूल प्रवाहका केन्द्रीय सदस्य नेत्र गुरुङले सम्मेलनद्वारा निर्वाचित समितिको घोषणा गर्नुभएको थियो ।

सम्मेलनले ठाकुर पन्थ अध्यक्ष रहनुभएको १५ पूर्ण, पाँच वैकल्पिक र पाँच सल्लाहकारसहित २५ सदस्यीय नगर समिति चयन गरेको छ ।

समितिको उपाध्यक्षमा भगतराम बस्नेत, सचिवमा मनबहादुर महर, सहसचिवमा धर्मसिंह डगार र कोषाध्यक्षमा रामकुमार बुढा रहनुभएको छ ।

त्यस्तै, सदस्यहरूमा शोभाखर पन्थ, भूवन केसी, रतन केसी, गङ्गाराम छन्त्याल, दिलिप पुन, सन्निकुमार र राम बहादुर रहनुभएको छ ।

त्यसैगरी, वैकल्पिक सदस्यहरूमा धनबहादुर, भीमबहादुर, देवेन्द्र पन्थ, ज्ञानप्रसाद भुसाल र अनिल शाही रहनुभएको छ ।

सम्मेलनले ओमप्रकाश, सावन कुमार, सुन्दर सिंह, पारस, ओम बहादुरलगायतलाई सल्लाहकारमा चयन गरेको छ ।

नवनिर्वाचित समितिलाई मूल प्रवाहका केन्द्रीय सदस्यहरू शोभाखर पन्थ, तिलक पौडेल र खिमराज चालिसे, सुदूर पश्चिमोत्तर क्षेत्रीय समितिकी सदस्य जुना चालिसे, केन्द्रीय सांस्कृतिक विभागका बिनु नेपाली, हिमाचल राज्य समितिका चिन्ताबहादुर पुन, सीताराम बुढा, सोहनलाल ओली, परमाणुका कुमराज पुन, चन्डिगढका लीला विक, रामपुरका गगन ओली र धनिराम सान्दिललगायतले बधाई दिनुभएको थियो ।

घोषणासभा भूवन केसीको सञ्चालन तथा बलजितसिंह बाबाको अध्यक्षतामा सम्पन्न भएको थियो भने शोभाखर पन्थ र सांस्कृतिक विभागका कलाकारहरूले स्वागत गर्नुभएको थियो ।