काठमाडौं । नेपाल सरकारले लेबनानमा रहेका नेपालीलाई सचेत रहन आग्रह गरेको छ।
परराष्ट्र मन्त्रालयले सोमबार विज्ञप्ति प्रकाशित गरी त्यहाँ रहेका सम्पूर्ण नेपाली नागरिकहरूको सुरक्षा तथा हित सुनिश्चित गर्नेतर्फ नेपाल सरकार पूर्णरूपमा सचेत रहेको बताएको छ।
हालसम्म त्यहाँ रहेका नेपाली नागरिकहरू सुरक्षित रहेको तथा उनीहरूको सहजताका लागि निरन्तर प्रयत्न भइरहेको मन्त्रालयको भनाई छ।
परराष्ट्रले तत्कालै थप कुनै सहयोग आवश्यक परेमा लेबनानमा रहेका नेपाली नागरिकहरू तथा उनीहरूका आफन्तहरूले कायरोस्थित नेपाली राजदूतावास तथा नेपाल सरकार, परराष्ट्र मन्त्रालयको देहायको नम्बरमा जुनसुकै समयमा सम्पर्क गर्न सकिने बताएको छ।
त्यसका लागि कायरोस्थित नेपाली राजदूतावासका द्वितीय सचिव दिपक घिमिरे (+२०१०९७७७२३४८) र परराष्ट्र मन्त्रालयका शाखा अधिकृत श्रीकृष्ण सिलवाल (+९७७९८४९१७९५२०) लाई सम्पर्क गर्न आग्रह गरिएको छ।
