अशोक खनाल, भालुवाङ (दाङ) ।
पश्चिमबाट पूर्वतर्फ आइरहेको सुपप्र ००१–ख–२७७९ नम्बर को ट्रकले ठक्कर दिदा राप्ती गाउँपालिका वडा नम्बर १ पुल्चोक भालुवाङ बस्ने वर्ष ५० का लोकप्रसाद भट्टराईको घटनास्थलमै मृत्यु भएको छ ।
२०८१ साउन १५ गते मङ्गलबार बिहान ८ः१५ बजे पूर्वपश्चिम लोकमार्ग र भालुवाङ प्युठान रोल्पा सडकको पूर्वोत्तरतर्फ रहेको सहिद कृष्ण सेन इच्छुकको शालिकनिर सो दुर्घटना भएको हो ।
मृतक भट्टराई फलफूल व्यापारी भएको र आँपलगायतका फलका क्यारेट बोकेर राजमार्ग पार गर्ने क्रममा तीव्र गतिले आएको ट्रकले ठक्कर दिएको प्रत्यक्षदर्शीले बताएका छन् ।
ठक्कर दिएर उक्त ट्रक ट्राफिक प्रहरीको शरणमा पुगेको र उक्त ट्रक र चालकलाई नियन्त्रणमा लिएएको इलाका प्रहरी कार्यालय भालुवाङका प्रहरी निरीक्षक अमर माझीले बताए ।
आक्रोशित स्थानीयले लास उठाउन नदिएको र सडक जामसमेत गरेकोमा स्थानीय जनप्रतिनिधि, मृतकका आफन्त, उद्योग वाणिज्य सङ्घ, विभिन्न राजनीति दलका प्रतिनिधि, जिल्ला प्रहरी कर्यालय दाङका डिएसपीसमेतको छलफलमा पीडितलाई उचित क्षतिपूर्ति र दोषीलाई कारबाही गर्ने निर्णय भएको थियो ।
त्यष्सपछि पीडितहरूले घटनास्थलबाट लास उठाई पोस्टमार्टमका लागि लमही अस्पताल पुर्याएको र करिब पाँच घण्टादेखि अवरुद्ध सडक केही बेरअघि लागि खुलाइएको इलाका प्रहरी कार्यालय भालुवाङले बताएको छ ।
