खलङ्गा । प्युठानको झिमरुक गाउँपालिका–५ मच्छीमा अखिल नेपाल महिला सङ्घको भेला सम्पन्न भएको छ ।
महिला सङ्घकी केन्दूीय सदस्य तारा जिसीको प्रमुख आतिथ्यमा २०८१ साउन १४ गते सोमबार उक्त कार्यक्रम सम्पन्न भएको हो ।
कार्यक्रममा महिला सङ्घ झिमरुककी अध्यक्ष शकुन्तला जिसी र राष्ट्रिय जनमोर्चा जिल्ला समितिका कोषाध्यक्ष टीकाबहादुर जिसीको पनि आतिथ्य रहेको थियो ।
सो अवसरमा प्रमुख अतिथिहरूले सङ्गठनको आवश्यकता र व्यवस्थापन कसरी गर्ने सम्बन्धमा गहकिला विचार राख्नुभएको थियो ।
भेलाले बिना विक अध्यक्ष रहनुभएको महिला सङ्घको वडा समिति गठन गरेको छ ।
समितिको उपाध्यक्षमा शारदा जिसी, सचिवमा रिता विक, सहसचिवमा प्रमिशा जिसी र कोषाध्यक्षमा वसन्ता खड्का रहनुभएको छ ।
त्यस्तै, सदस्यहरूमा कमला जिसी, विस्ना बस्नेत, मुना जिसी, राममाया जिसी, तारा परियार, शारदा जिसी र ज्ञानु केसी रहनुभएको छ ।
समितिको सल्लाहकारहरूमा शकुन्तला जिसी, कविता जिसी, वसन्ता जिसी र पवित्रा जिसी रहनुभएको छ ।
कविता जिसीको अध्यक्षतामा प्रारम्भ भएको उक्त भेलाको सञ्चालन प्रमिशा जिसीले गर्नुभएको थियो ।
ज्ञातअज्ञात सहिदप्रति एक मिनेट मौनधारणपछि अघि बढेको सो भेलामा स्वागत वसन्ता जिसीले गर्नुभएको थियो ।
