खिमराज चालिसे, चन्डिगढ (भारत) ।

भारतको चन्डिगढमा मूल प्रवाह अखिल भारत नेपाली एकता समाजको आयोजनामा प्रशिक्षण कार्यक्रम सम्पन्न भएको छ ।

राष्ट्रिय जनमोर्चा केन्द्रीय उपाध्यक्ष, प्रवक्ता एवम् पूर्व सांसद दुर्गा पौडयालको प्रमुख आतिथ्यमा जुलाई २६, २०२४ का दिन सो कार्यक्रम सम्पन्न भएको हो ।

प्रशिक्षणमा देशको समसामयिक राजनीतिक परिवेश, नेपाली महिलाहरूको अवश्था तथा अधिकारबारे र सङ्गठनात्मक पद्धतिलगायतका विषयमा पौडेलले प्रशिक्षण दिनुभएको थियो ।

कार्यक्रममा मूल प्रवाहका केन्द्रीय सदस्यहरू दिनेश खडका, तिलक पौडेल र खिमराज चालिसे, केन्द्रीय सल्लाहकार प्रेम आचार्य र केन्द्रीय परिषद सदस्य थमन थापाको आतिथ्य रहेको थियो ।

प्रशिक्षण कार्यक्रम नगर सचिव थानेश्वर पाण्डेको सञ्चालनमा तथा किसन खनालको अध्यक्षता सम्पन्न भएको थियो भने माया आचार्यले स्वागत गर्नुभएको हो ।