खिमराज चालिसे ।
रिकाङपियो (भारत) । भारत हिमाचल प्रदेशको रिकाङपियोमा मूल प्रवाह अखिल भारत नेपाली एकता समाजको चौथो नगर सम्मेलन सम्पन्न भएको हो ।
महासचिव प्रेम पौडेलको प्रमुख आतिथ्यमा सयौँ नेपालीको सहभागितासहित जुलाई ७, २०२४ का दिन सो सम्मेलन सम्पन्न भएको हो ।
सो अवसरमा सम्बोधन गर्दै रेमिट्यान्समा पालिएको नेपाल सरकारले प्रवासी नेपालीको उपेक्षा गरिरहेको आरोप लगाउनुभयो ।
उहाँले भ्रष्टाचार, महङ्गी, बेरोजगारी तथा युवाहरू विदेश पलायन देशको गम्भीर समस्या रहेकोसमेत बताउनुभयो ।
सम्मेलनले गोपालजङ्ग शाहीको नेतृत्वमा १७ पूर्ण पाँच वैकल्पिक र पाँच सल्लाहकार गरी २७ सदस्यीय नगर समिति निर्वाचित गरेको छ ।
समितिमा उपाध्यक्ष निर्मल, सचिव मिथुन सिंह, सहसचिव नरेन्द्र, कोषाध्यक्ष रतन तिरुवा तथा सदस्यहरूमा ओमप्रकाश, प्रकाश, छत्रबहादुर, रमेश, धनराज, गुरुङ, राजेन्द्र, राधा, मन्जु, रनबहादुर, राम र ताराचन्द्र रहनुभएको ।
वशन्त, बल्लु थापा, ब्रिजेश रावत, हरि र दीपक वैकल्पिक सदस्य रहनुभएको उक्त समितिको सल्लाहकारमा दिनेश, रविन्द्र, सीता थापा, दिल बहादुर र सपना रहनुभएको छ ।
महिला विभाग
सम्मेलनले मुगा संयोजक रहनुभएको ११ सदस्यीय महिला नगर विभाग पनि गठन गरिएको छ ।
समितिको सदस्यहरूमा मन्जु, राधा, सपना, पार्वती, सुशीला (छाया देवी), शर्मिला, सावित्री, सीता थापा, माया गिरी र पार्वती थापा रहनुभएको छ ।
निर्वाचित समितिलाई मूल प्रवाहका केन्द्रीय सदस्य नेत्र गुरुङ, केन्द्रीय सदस्य तथा राज्य समितिका अध्यक्ष बिरु श्रेष्ठ, केन्द्रीय सदस्य जितमान थापा, केन्द्रीय महिला विभागकी सदस्य शुष्मा खडका, विद्यार्थी विभाग केन्द्रीय सदस्य सिर्जना बगाले, हिमाचल राज्य समितिका सचिव सीताराम बुढा, राज्य समितिका भूवन केसी, राज्य समितिका सदस्य धर्मसिंह, परिषद् सदस्य जमुना गाहा, रामपुर नगर समितिका चिन्ताबहादुर पुन, मानसिंह श्रेष्ठ र बलजित बाबाले शुभकामना दिनुभएको थियो ।
घोषणासभा मिथुन सिंहको सञ्चालनमा तथा निर्मल सिंहको अध्यक्षतामा सम्पन्न भएको हो भने नरेन्द्र र सांस्कृतिक कलाकार स्वागत गर्नुभएको थियोे ।
सम्मेलनको उद्घाटन जुलाई ६ का दिन महासचिव प्रेम पौडेलले पानसमा बत्ती बालेर गर्नुभएको थियोे ।
