काठमाडौँ । राष्ट्रिय जनमोर्चाले सहकारी समस्याबारे बृहद अन्तरक्रिया गर्दैछ ।

आज शनिबार (असार २२ गते) दिउँसो १२ः३० बजे बागबजारको हार्दिक होटलमा कार्यक्रम आयोजना गरिएको राजमो केन्द्रीय कार्यालयले जनाएको छ ।

‘सहकारी रकम अपचलन र त्यसमा राज्यले गरेको संरक्षणबाट उत्पन्न परिस्थिति’ विषयक अन्तरक्रियामा अध्यक्ष चित्रबहादुर केसीले अवधारणापत्र प्रस्तुत गर्नुहुने छ ।

कार्यक्रममा नेकपा (मसाल) का प्रवक्ता रामप्रकाश पुरी, नेकपा एमालेका नेता डा. भीम रावल, नेपाली कांग्रेस संसदीय दलका प्रमुख सचेतक रमेश लेखक, पूर्वन्यायाधीश गौरीबहादुर कार्की, सङ्कटग्रस्त सहकारी व्यवस्थापन समितिका पूर्व अध्यक्ष काशीराज दाहाल, सहकारी विज्ञ डा. विश्वमोहन आचार्य र नेपाल सरकारका पूर्वउपसचिव बाबुराम भुसालले मन्तव्य राख्नुहुने छ ।