टेकराज भुसाल, बुटवल ।
ढाकाबाङ–रुपन्देही सम्पर्क समाजको प्रथम अधिवेशन, साधारणसभा तथा सम्मान कार्यक्रम सम्पन्न भएको छ ।
अर्घाखाँची जिल्ला भूमिकास्थान नगरपालिका वडा नम्बर १ र २ (साविक ढाकाबाङ गाविस) बाट विभिन्न सिलसिलामा रुपन्देहीमा बसोबास गर्नेहरूका बिच २०८१ जेठ २६ गते शनिवार बुटवल–१३ बेलवासमा सो कार्यक्रम सम्पन्न भएको हो ।
कार्यक्रमको उद्घाटन भूमिकास्थान–रुपन्देही सम्पर्क समाजका अध्यक्ष लक्ष्मण बेलवासेले उद्घाटन गरेका हुन् ।
सो अवसरमा मन्तव्य राख्दै बेलबासेले समाजका कार्यको प्रशंसा गरे । आफ्नो पुर्ख्यौली थलोलाई नबिर्सन आग्रह गर्दै बेलवासेले समाजका आगामी कार्यमा आफूहरूले निरन्तर सहयोग गर्ने वचन दिए ।
कार्यक्रममा संस्था सल्लाहकार, छिमेकी गाविसका सम्पर्क समाजका अध्यक्षलगायतले शुभकामना मन्तव्य राखेका थिए ।
सो अवसरमा समाजले समाजका आजीवन सदस्य, विभिन्न समयमा समाजलाई आर्थिक, नैतिक रूपमा सहयोग गर्ने सयभन्दा बढीलाई सम्मान गरेको थियो ।
साधारणसभामा समाजका अध्यक्ष कृष्णप्रसाद खनालले प्रगति प्रतिवेदन तथा समाजका कार्यवाहक कोषाध्यक्ष शिवलाल खनालले आर्थिक वर्ष २०८०/८१ को आयव्यय तथा आगामी वर्षको अनुमानित आयव्यय प्रस्तुत गरेका थिए ।
अधिवेशनबाट संस्थाको कार्यसमितिले गरेका विभिन्न निर्णयहरू अनुमोदन गरिएको थियो ।
अधिवेशन तथा साधारणसभाले पुनः कृष्णप्रसाद खनाल अध्यक्ष रहेको २१ सदस्यीय ढाकाबाङ–रुपन्देही सम्पर्क समाज निर्वाचन गरेको छ ।
समितिको उपाध्यक्षमा ज्ञानप्रसाद खनाल र युवराज खनाल, सचिवमा बाबु भुसाल, सहसचिवमा टेकराज भुसाल, कोषाध्यक्षमा सावित्रा खनाल र सहकोषाध्यक्षमा शिवलाल खनाल चयन हुनुभएको छ ।
त्यस्तै, सदस्यहरूमा जुना खनाल, रेश्मा खनाल, एनिसा बन्जाडे, शान्ता खनाल, दुर्गा खनाल, केशव भुसाल, वेदप्रसाद भुसाल, मेघराज खनाल, लेखनाथ खनाल, रामबहादुर अधिकारी, रामप्रसाद चुदाली, नरेन्द्र भुसाल, मोतिराम भुसाल र जीवलाल खनाल रहनुभएको छ
एवम् प्रकारले लेखा समिति संयोजकमा राजु खनाल र सदस्यहरूमा वसन्ता भुसाल र प्रेम खनाललाइ अधिवेशनले निर्वाचित गरेको छ।
समाजका अध्यक्ष कृष्णप्रसाद खनालको अध्यक्षता तथा कार्यवाहक सचिव टेकराज भुसालको सञ्चालनमा उक्त कार्यक्रम सम्पन्न थियो ।
संस्था गठन भएको पहिलो वर्षमा नै संस्थालाई कानुनी रूपमा आधिकारिकता दिई रुपन्देहीमा बस्ने सम्पूर्ण ढाकाबाङवासीको आपसी सम्बन्ध, समाजमा भइपरी आउने विभिन्न खालका सामाजिक समस्या, ढाकाबाङसँग सम्बन्धित कला, संस्कृति, रीतिरिवाजको संरक्षण गर्दै ढाकाबाङवासीको साझा चौतारीको रूपमा विकास गरेर संस्थासँग जोडिएका हरेक सदस्यको सुखदुःखमा सहयोगी र पारिवारिक सदस्य जस्तै भएर समाज अगाडि बढेको नवनिर्वाचित अध्यक्ष कृष्णप्रसाद खनालले बताए ।
खनालले संस्थामा आजीवन र साधारण सदस्य २०० भन्दा बढी रहेको र आगामी दिनमा सदस्य खुलाई सदस्यता थप्ने समेत बताए । समाजको स्थापना गत २०८० जेठ १३ गते स्थापना भएको थियो ।
