बेनी । लमजुङ मर्स्याङ्दी गाउँपालिका–६ न्यादीखोलामा निर्माणाधीन सुपर न्यादी आयोजनाको लोडरचालकको पहिरोले पुरिँदा मृत्यु भएको छ ।
Advertisement
२०८१ जेठ २५ गते बिहान लोडर लिएर कामतर्फ जाँदै गर्दा माथिबाट खसेको पहिरोले पुरिँदा मकवानपुर हेटौँडा उपमहानगरपालिका–१० का ४२ वर्षीय गोपाल तामाङको मृत्यु भएको जिल्ला प्रहरी कार्यालय लमजुङमा प्रहरी निरीक्षक मेघनाथ चापागाईले बताउनुभयो ।
गम्भीर घाइते चालक तामाङको काठमाडौँस्थित ट्रमा सेन्टरमा उपचारका क्रममा मृत्यु भएको उहाँले जानकारी दिनुभयो ।
सो आयोजनाको ४२ दशमलव ६० मेगावाट क्षमता रहेको छ । (रासस)
