जगत प्रसाद रेग्मी
होशियार !
ए जनताको नाममा रामलिला देखाउने दानव हो
कति दिन चुस्छौ
जुकाले खुन चुसे झैं गरी
तिम्रा काला कर्तुतको नालेबेली
सबैलाई थाहा नै छ
१९५० मा सन्धी गरेउ सासक हो
त्यस पछी लगातार आफ्नो धर्ती मातालाई
पटकपटक चिथोर्न लगाई रहेका छौ
प्रत्येक अंग
पलपलमा चिथोरी रहेको छ
रक्ताम्मै अनि बेहोशी र बेहालमा
आफ्नो सन्तानको तडपाइ
टुलुटुलु हेरेर बसी राख्न
बाध्य बनायौ त्यही सम्झौतादेखि
महाकाली बेच्यौ
अनि जनता भ्रम दियौ
अब घाम पश्चिमबाट उदाउँछ भनेर
देशलाई बन्दी बनायौ
देश लुटेराहरु
अझै कति लुट्छौ
कति खान्छौ दानव हो
पूर्व मेची खायौ पश्चिम महाकाली
कालापानी लिम्पियाधुरा
पशुपति नगरसम्म हजारौं बिघा जमिन खायौ
टनकपुर, लक्षमणपुर पुगेन अझै
कर्णाली पनि खायौ
त्यतिले पुगेन
बिप्पा सम्झौता
एमसीसी गर्न तम्सियाका छौ
देशभक्त भन्न छोडेनौ
कम्युनिस्ट भन्न छोडेनौ
जनतालाई भ्रम देउ
जतिसक्छौ
एक दिन अबश्य आउँछ
आउँछ त्यो दिन
देश बेच्ने देशद्रोही बन्ने छौ
रास्ट्रघात गर्ने रास्ट्रघाती बन्ने छौ
देश टुक्राउने बिखण्डनकारी बन्ने छौ
जनता लुट्ने भ्रस्टाचारी हुनेछौ
जनता लुटेर बनेका तिम्रा महलहरु
चक्नाचुर हुने छन
सत्तामा बस्नको लागि
रास्ट्रमाथि सौदाबाजी गर्नेहरु
तिम्रा कालाकर्तुत पर्दाफास हुने छन्
जनता सचेत हुँदै छन् अब
सुनौलो ब्यबस्था
बिहानी किरणसँगै
इन्द्रेणीको रंग झैं
अबश्य आउने छ
अनि बल्ल हाम्रो मुक्ति हुनेछ
होशियार देश र जनता लुट्ने लुटेरा हो
तिम्रो स्वर्ग छिट्टै ढल्ने छ।
तिमी खरानी हुने छौ
त्यसको लागि सचेत
जनताको आँधीबेरी आउँदै छ
अब आउँदै छ।
