खलङ्गा । प्युठान मल्लरानी–३ बर्बोटस्थित भानुभक्त माध्यमिक विद्यालयले सोही वडाका वडाअध्यक्षसमेत रहेका नोमराजको पौडेलले लगाएको आरोप कपोलल्पित रहेको दाबी गरेको छ ।

वडाअध्यक्ष पोखरेलले सामाजिक सञ्जाल फेसबुकमार्फत् सो विद्यालयका विद्यालय व्यवस्थापन समितिका अध्यक्ष जीवलाल खत्री र प्रधानाध्यापक चक्रपाणि पौडेलप्रति आरोप लगाएपछि यस्तो दाबी गरिएको हो ।

विद्यालयले २०८१ जेठ १५ गते जारी गरेको प्रेसविज्ञप्तिमा विद्यालय व्यवस्थापन समितिका सदस्यसमेत रहेका पोखरेलको गत जेठ ११ गतेको आरोपलाई झुटा तथा कपोलकल्पित बताइएको छ ।

विज्ञप्तिमा भनिएको छ– “विशेष गरी अध्यक्ष जीवलाल खत्री र प्रधानाध्यापक चक्रपाणि पौडेलको चरित्रहत्या गर्न (गालीब्यइज्यती) गरेको कार्यप्रति खेद तथा घोर आपत्ति प्रकट गर्दै आम शिक्षा सरोकारवालाहरूलाई विद्यालयको सत्य तथ्यको बारेमा सुसूचित गर्न विद्यालय व्यवस्थापन समितिको निर्णयअनुसार प्रेसविज्ञप्तिमार्फत् जानकारी गराइन्छ ।”

विज्ञप्तिमा वडाअध्यक्ष पोखरेलले विद्यालय व्यवस्थापनमाथि लगाइएका आरोपको विस्तारमा खण्डन गरिएको छ ।