रौतहट । रौतहटको कटहरिया नगरपालिका – १ भसेढवामा एकजना युवकको कुटीकुटी हत्या भएको छ । हत्याको आरोपमा प्रहरीले एक जनालाई पक्राउ गरेको छ । आइतबार राति कटहरिया १ भसेढवाका रामएकवाल यादवको २५ वर्षीय छोरा संजिव यादवलाई केही स्थानीयले कुटीकुटी हत्या गरेका हुन् ।
भसेढवाटोलमा घर भएका संविज यादव एक जना अन्य साथीका साथ गएराती ९ः१० बजेको घरभन्दा करिब १ किलोमिटर टाढा खोर भन्ने टोलमा गएका थिए । सोही ठाँउका संजिव यादवका एक जना साथीले केही कामको सल्लाह छ भनी सो ठाँउबाट करीव २ सय मिटर टाढा लालबकैया नदी किनारमा लगेका थिए ।
पूर्व योजना अनुसार उक्त स्थानमा पुुग्नासाथ पहिलेदेखी त्यहाँ रहेका ५/७ जनाको समूहले संजिव यादवलगायत दुबै जना माथि बाँसको लाठीले आक्रमण सुरु गरेका थिए । संजिवका अर्का साथी त्यहाँबाट भाग्न सफल भएका थिए । तर, लुकेर बसेका समूहले संजिव यादव माथी संघातिक हमला गरी पटक पटक बाँसको लठीले टाउको, खुटा, हाथमा प्रहार गरी खेतमा फालेर भागेका थिए ।
घटनास्थलबाट भागेका संजिवका साथीले गाउँलाई गुहार मागेर संजिव यादवलाई उपचारका लागि एम्बुलेन्सबाट तत्कालै बिरगंज पठाएकोमा उनको उपचारको क्रममा राति नै मृत्युु भएको प्रहरीले जनाएको छ ।
घटनास्थल पुगेका प्रहरीले घटनामा संलग्न रहेको आरोपमा खोरटोलका मोहन दाशका छोरा २२ बर्षिय राधेश्याम दाशलाई नियन्त्रणमा लिएको छ । आरोपीका घरका पुरुष मानिस सबै फरार रहेको र घटनामा संलग्न अन्यको खोजी तथा अनुसन्धान भइरहेको प्रहरीले जनाएको छ ।
