पोखरा । पोखराको अमरसिंहचोकमा एक महिलामाथि सामूहिक बलात्कार भएको छ ।
वैशाख २४ गते राति अमरसिंहचोकमा बिग्रिएर राखिएको बसमा महिलामाथि सामूहिक बलात्कार भएको प्रहरीले जनाएको छ ।
घटनामा संलग्न रहेको अभियोगमा प्रहरीले तीनजनालाई पक्राउ गरेको छ।
कास्कीको मादी गाउँपालिका ९ स्थायी घर भइ हाल अमरसिंहचोक बस्ने ३६ वर्षीय चन्द्रबहादुर थापा, मादी १२, भगवतीटार घर भएका ३८ वर्षीय कृष्ण रानाभाट र सोही ठाउँका २९ वर्षीय विनोद परियारलाई पक्राउ गरेको छ।
उनीहरुलाई २५ गते बिहान ४ बजेतिर वडा प्रहरी कार्यालय रामबजारको प्रहरी टोलीले पक्राउ गरेको हो।
काठमाडौंकी महिलालाई पोखरामा खाजा खाना लैजाने भन्दै उनीहरुले बसमा लगेका थिए। बिग्रिएर पार्किङमा राखिएको ग १ ख ६५९५ नम्बरको बसभित्र लगेर बियर खुवाइ बलात्कार गरेको जिल्ला प्रहरी कार्यालय कास्कीका सूचना अधिकारी तथा डीएसपी वसन्त शर्माले जानकारी दिए।
उनका अनुसार महिलामाथि तीन जनाले पालैपालो बलात्कार गरेका हुन्। डीएसपी शर्माका अनुसार प्रहरीले घटनामा संलग्न उनीहरुविरुद्ध सामूहिक बलात्कारको मुद्दाअन्तर्गत कारबाही अगाडि बढाइएको डीएसपी शर्माले बताए।
महिला उपचारमै रहेका कारण विवरण खुल्न नसकेको प्रवक्ता शर्माले बताए।
