कपिलवस्तु । १३५औं अन्तर्राष्ट्रिय श्रमिक दिवसको अवसरमा नेकपा (मसाल) कपिलवस्तुले ऐतिहासिक तीन अभियान समापन गरेको छ ।
बुधबार कपिलवस्तुको बाणगंगामा आयोजित कार्यक्रममा पार्टीको नवौं महाधिवेशनको घोषणा सभासमेत सम्पन्न गरिएको छ ।
नेकपा मसालका जिल्ला प्रवक्ता माधव भाट क्षेत्री अध्यक्षतामा सम्पन्न सभालाई नेकपा (मसाल) का प्रतिनिधि सञ्जयले पार्टीको नवौँ महाधिवेशनको अवधारणा पत्रबारेमा प्रकाश पार्नु भएको थियो ।
अवधारणा पत्रमा नेकपा मसालको नवौँ महाधिवेशन सौहार्दपूर्ण वातावरणमा सम्पन्न भएको जनाइएको छ भने महाधिवेशनले पाँच वर्षको मूल्यांकन, अन्तर्राष्ट्रिय परिस्थिति, देशको राजनीतिक शक्तिहरुको विश्लेषण, तत्कालीन राजनैतिक परिस्थितिको मूल्यांकन, कार्य नीतिसहित न्यूनतम कार्यक्रमहरू पनि निर्धारण गरिएको छ ।
कार्यक्रममा अखिल नेपाल ट्रेड युनियन महासंघ (अन्टुक) का केन्द्रीय सदस्य तथा राष्ट्रिय जनमोर्चा जिल्ला सचिव केर सिंह अदैले अन्तर्राष्ट्रिय मजदुर दिवसबारे रकाश पार्नु भएको थियो ।
कार्यक्रममा अखिल नेपाल किसान महासंघका केन्द्रीय उपाध्यक्ष शिव पौडेल, अखिल नेपाल महिला संघकी अध्यक्ष कमला पौडेल, अखिल नेपाल जनजाति सम्मेलनका अध्यक्ष नरबहादुर घर्ति, रक्तिम सांस्कृतिक अभियानका केन्द्रीय सदस्य मानबहादुर नेपाली, किसान संघका जिल्ला अध्यक्ष मुक्ति न्यौपानेलगायतले धारणा राख्नुभएको थियो ।
राष्ट्रिय जनमोर्चा कपिलवस्तुका उपाध्यक्ष दलबहादुर कुँवर ले स्वागत गर्नु भएको कार्यक्रमको सञ्चालन राजमो जिल्ला अध्यक्ष रामप्रसाद बेल्बासेले गर्नु भएको थियो ।
