परासी । नवलपरासी (बर्दघाट सुस्ता पश्चिम) बर्दघाटमा “ऐतिहासिक तीन अभियान सफल पारौँ, कम्युनिस्ट आन्दोलनको क्रान्तिकारी रूपान्तरण गरौँ” भन्ने मूल नाराका साथ लेनिनको एक सय पचपन्नौँ जन्मजयन्ती तथा नेकपाको छयहत्तरौँ स्थापना दिवसको कार्यक्रम सम्पन्न भएको छ ।

नेपाल कम्युनिस्ट पार्टी (मसाल) जिल्ला समितिको आयोजनामा २०८१ वैशाख १० गते सोमबारका दिन बन्डाघोला बजारक्षेत्रको सरसफाइसँगै ऊक्त कार्यत्रम सम्पनन भएको हो ।

सरसफाइपछि कोणसभामा परिणत भएको ऊक्त कार्यत्रमलाई राष्ट्रिय जनमोर्चाका लुम्बिनी प्रदेश सदस्य तिलकप्रसाद सुवेदीले सम्बोधन गर्नुभएको थियो ।

सो अवसरमा उहाँले कम्युनिस्ट पार्टीको क्रान्तिकारी पक्ष रक्षात्मक अवस्थामा पुगे पनि नेपाली समाजको रूपान्तरण तथा शोषणमुक्त समाजको निर्माणबारे धारणा राख्नुभएको थियो ।