वीरेन्द्रनगर । कर्णाली प्रदेशका मुख्यमन्त्री राजकुमार शर्माले राजीनामा दिएका छन् ।
२०८० चैत २१ गते बुधबार प्रदेशसभा बैठकलाई सम्बोधन गर्दै मुख्यमन्त्री शर्माले राजीनामा घोषणा गरेका हुन् ।
सम्बोधनका क्रममा उनले आफूले गरेका उपलब्धिको चर्चा गर्नुका साथै प्रधानमन्त्री पुष्पकमल दाहालप्रति असन्तुष्टिसमेत व्यक्त गरे ।
संसद् बैठकलाई सम्बोधन गरेर राजीनामा दिएका मुख्यमन्त्रीले प्रदेश प्रमुखसमक्ष राजीनामापत्र बुझाउने छन् । यसअघि मुख्यमन्त्री शर्माले मङ्गलबार संसद्बाट विश्वासको मत लिने तयारी गरेका थिए तर केन्द्रमा सत्तागठबन्धन दलहरूबिच भएको सहमतिअनुसार कर्णाली प्रदेश एमालेको भागमा परेपछि उनले विश्वासको मतको कार्यक्रम एक दिन पछि सारेका थिए ।
पार्टीअध्यक्ष एवम् प्रधानमन्त्री पुष्पकमल दाहाल प्रचण्डको निर्देशन विपरीत विश्वासको मत लिने अडानमा रहेका मुख्यमन्त्री शर्मा अन्ततः राजीनामा दिन बाध्य भएका हुन् ।
सम्बोधनका क्रममा उनले सङ्घीयताको मर्म विपरीत प्रदेशलाई अस्थिर बनाएको र यसले कसैको पनि भलो नगर्ने भन्दै प्रधानमन्त्री दाहालप्रति आक्रो व्यक्त गरे ।
