काठमाडौँ । अखिल नेपाल प्रगतिशिल लेखक सङ्घ (अन्पा) ले पाँचौ साहित्यिक पदयात्र सम्पन्न गरेको छ ।
२०८० चैत १७ गते शनिबारका दिन गोदावरी देखि मार्बल डाँडा हुँदै त्यहाँको भ्यूटावरसम्म सङ्घले आफ्ना पदयात्रा सम्पन्न गरेको हो ।
पदयात्रालाई साहित्यसँग जोड्दै साहित्यिक पदयात्रालाई निरन्तरता दिँदै आएको अखिल नेपाल प्रगतिशील लेखक सङ्घ (अन्पा) ले आफ्नो पाँचौँ पदयात्रा सम्पन्न गरेको छ । 
सबै सृष्टाहरूका बिचमा भावनात्मक तथा वैचारिक समिप्यताको स्थिति सिर्जना गर्दै साहित्य सिर्जनामा निखरता ल्याउने उद्देश्यका साथ अन्पाको साहित्यिक पदयात्रामा कविता, गीत, कथा, यात्रा संस्मरण समेत प्रस्तुत गरिएको थियो ।
पदयात्रामा समीर सिंह, भीष्म जोशी, ऋतु केसी, घनश्याम न्यौपाने, मेष्मा पुन, मदन पाण्डे, निलम सिंजाली, पुष्पा पाण्डे, अग्रिम जिसी, सङ्घर्ष न्यौपाने, बिहानी केसी, इन्द्र कँडेल, ध्रुव पुन, सोम पुन, भूमि शेरचन लगायतको सहभागिता थियो ।
ललितपुर जिल्लाको गोदावरी नजिकको मार्बल डाँडामा पुग्दा सष्टाहरूमा प्राकृतिक सौन्दर्ययताले थप उत्साहित बनाएको थियो ।
प्राकृतिक सौन्दर्यमा रमाउँदै यस प्रकारको पदयात्रालाई अझ व्यवस्थित तथा उपलब्धिमूलक तरिकाले अगाडि बढाउनुपर्ने सष्टाहरूको ठहर थियो । यस प्रकारको रचनात्मक गतिविधिहरूका साथ सिर्जना र विचारबिचको संयोजनलाई अझ सशक्त प्रकारले अगाडि बढाउनुपर्ने सष्टाहरूले बताए ।
