काठमाडौं । नेकपा (मसाल) का महामन्त्री एवम् वरिष्ठ साहित्यकार मोहनविक्रम सिंह प्रज्ञा दर्शन पुरस्कारबाट सम्मानित हुनुहुने भएको छ ।
प्रज्ञा प्रतिष्ठानले यसवर्ष २०८० को प्रज्ञा दर्शन पुरस्कार सिंहलाई प्रदान गर्ने निर्णय गरेको हो । पुरस्कारको राशि एक लाख रुपैयाँ रहेको छ ।
प्रज्ञा प्रतिष्ठानका कुलपति भूपाल राईको अध्यक्षतामा बसेको बैठकले विभिन्न विधामा १० वटा प्रज्ञा पुरस्कारको घोषणा गरेको छ ।
भाषा, साहित्य, संस्कृति, समाजशास्त्र र दर्शनशास्त्रसम्बन्धी विधागत रूपमा दीर्घसाधना गरेहेका १० जना विशिष्ट प्रतिभाहरूलाई एक लाख राशिको प्रज्ञा पुरस्कार २०८० प्रदान गर्ने निर्णय गरेको हो ।
जसमा खगेन्द्र सङ्ग्रौलालाई प्रज्ञा अनुवाद पुरस्कार, शान्ता श्रेष्ठलाई प्रज्ञा सामाजिकशास्त्र पुरस्कार, घनश्याम शर्मा पौडेललाई प्रज्ञा संस्कृति, लोकवार्ता तथा मौखिक इतिहास पुरस्कार, कृष्ण गौतमलाई प्रज्ञा समालोचना तथा साहित्येतिहास पुरस्कार, प्राडा देवीप्रसाद गौतमलाई प्रज्ञा भाषा पुरस्कार, बम देवानलाई प्रज्ञा साहित्य पुरस्कार (पद्य), राजवलाई प्रज्ञा साहित्य पुरस्कार (गद्य),गङ्गा कर्माचार्यलाई प्रज्ञा बाल पुरस्कार र पदम विश्वकर्मालाई प्रज्ञा अन्तर्देशीय पुरस्कार प्रदान गर्ने भएको छ ।
यस मध्ये प्रज्ञा मातृभाषा साहित्य पुरस्कार २०८० पहाडीरहिमाली क्षेत्रबाट डा. योगेन्द्रमान प्रधानाङ्ग तथा तराई मधेस क्षेत्रबाट बेचन उराँवलाई यसअघि नै अन्तर्राष्ट्रिय मातृभाषा दिवस २०२४ का अवसरमा सुनसरीस्थित धरानमा प्रदान गरिएको प्रज्ञा–प्रतिष्ठानका सदस्य सचिव डा. धनप्रसाद सुवेदीद्वारा जारी विज्ञप्तिमा उल्लेख गरिएको छ।
