काठमाडौं । नेपाल कुस्ती सङ्घको अध्यक्षमा प्रकाशकुमार कुसारी निर्वाचित भएका छन्।

सङ्घको आज सम्पन्न साधारणसभा तथा अधिवेशनले कुसारीको नेतृत्वमा १५ सदस्यीय कार्यसमिति सर्वसम्मत निर्वाचित गरेको हो।

सङ्घको उपाध्यक्षमा निर्मल सिग्देल, मुकेश साह, सूर्यन्सकुमार चौधरी, महासचिवमा खगेन्द्रबहादुर बस्नेत, उपमहासचिवमा साजन अधिकारी, सचिवमा सरोज कटुवाल र सूर्यनारायण साह तथा कोषाध्यक्षमा विपुल पौडेल निर्वाचित भएका छन्।

यसैगरी, सदस्यमा ऐटनकुमार मल्ल, सुदीप केसी, अनिल न्यौपाने, उपेन्द्र श्रेष्ठ, विक्रमसागर पोखरेल र लक्ष्मी उराउ निर्वाचित भएका छन्।

कार्यक्रममा नवनिर्वाचित अध्यक्ष कुसारीले आफ्नो कार्यकालमा कुस्ती संघलाई व्यवस्थित गर्दै अगाडि बढाउने बताए। खेलकुद क्षेत्रलाई व्यवस्थित रुपमा अगाडि बढाउनका लागि कुस्ती सङ्घ लाग्ने उनको भनाइ थियो। रासस