काठमाडौं । सरकार र मिटरब्याज पीडितबीच चार बुँदे सहमति भएको छ ।
सोमबार गृहमन्त्रालयमा भएको वार्तापछि सरकारी वार्ता टोली र मिटरब्याज तथा ठगीविरुद्ध किसान–मजदुर संघर्ष समितिबीच चार बुँदे सहमति पत्रमा हस्ताक्षर भएको हो ।
सहमति पत्रमा मन्त्रालयको तर्फबाट वार्ता समितिका संयोजक सहसचिव रुद्रप्रसाद पण्डित, सदस्यहरूउपसचिव विश्वराज न्यौपाने र एकदेव अधिकारीले हस्ताक्षर गरेका छन्।
यस्तै, आन्दोलनकारीका तर्फबाट मिटरब्याज तथा ठगीविरुद्ध किसान–मजदुर संघर्ष समितिका अवधेश कुशवाह, आदित्य राम, शिवशंकर महतोलगायतले हस्ताक्षर गरेका छन् ।
उपप्रधान एवं गृहमन्त्री रवि लामिछानेको पहलमा आइतबार र सोमबार गृह मन्त्रालयमा वार्ता भएको थियो । वार्ता सहमतिमा टुंगिएसँगै समितिले आह्वान गरेको आन्दोलन अन्त्य भएको छ।
झापाको काँकडभिट्टा र कञ्चनपुरको महेन्द्रनगरबाट २३ दिन हिँडेर फागुन ९ गते काठमाडौं आइपुगेका मिटरब्याज पीडित निरन्तर आन्दोलनमा थिए।
यस्तो छ सहमति पत्र
