काठमाडौं । फ्रेण्डसिप कप टी–२० आई क्रिकेटमा नेपाल हङकङसँग नेपाल पराजित भएको छ। शनिबार भएको खेलमा नेपाल ७३ रनले पराजित भएको हो।
नेपाल १६.४ ओभरमा १ सय ३९ रन बनाउँदा अलआउट भयो।

हङकङको मोङ ककस्थित मिसन ग्राउण्डमा नेपालले टस जितेर फिल्डिङ रोजेपछि ब्याटिङ गरेको घरेलु टोलीले निर्धारित २० ओभरमा ६ विकेटको क्षतिमा २ सय १२ रनको योगफल तयार पारेको थियो।

नेपालका ८ ब्याटरले दोहोरो अंकको स्कोर छुन सकेनन्। नेपालको मध्यक्रम र अन्तिमका ब्याटर लामो समय क्रिजमा टिक्न सकेनन्।

ओपनर विनोद भण्डारीले बनाएको ४२ रन नै सर्वाधिक रह्यो। आरिफ शेखले ३८ र कप्तान रोहित पौडेलले ३० रन बनाए।

नेपाललाई कम स्कोरमा रोक्न एजाज खानले ४ विकेट लिए। इन्सान खानले ३ विकेट लिए। अतिक इकवाल र नर्सुला रानाले समान एक विकेट लिए।