काठमाडौँ । भक्तपुरका दर्जनौँ नेकपा (एमाले) र नेकपा (माओवादी केन्द्र) समर्थक राष्ट्रिय जनमोर्चामा प्रवेश गरेका छन् ।
राजमो केन्द्रीय सदस्य लालबहादुर थापा र राजमो भक्तपुरका सदस्य रामभक्त किजुको उपस्थितिमा भक्तपुरको चाँगुनारायण नगरपालिका वडा नम्बर ७ मा २०८० फागुन १२ गते शनिबार सम्पन्न छलफलपछि उनीहरू राजमोमा प्रवेश गरेका हुन् ।
यसरी राजमोमा प्रवेश गर्नेहरूमा राधेश्याम काफ्ले, शान्त नेपाल, श्रवणकुमार नेपाल, श्याम नेपाल, करण खत्रीक्षेत्री, तुलसा काफ्ले, गौतम काफ्ले, जयराम काफ्ले, शिवहरि काफ्ले, मनिषा काफ्ले, कमला नेपाल, सानुभाइ नेपाल र मधुकर काफ्ले रहनुभएको छ ।
नेपालको राजनीतिमा सही नीति, विचार र दृष्टिकोण भएको, स्वच्छ छवि भएको तथा देशको राष्ट्रियता, सार्वभौमिकता, भौगोलिक अखण्डता र जनजीविकाको पक्षमा आवाज उठाइरहेको पार्टी राजमो नै भएको किटान गर्दै राजमोमा प्रवेश गरेका नवप्रवेशीले बताएका छन् ।
नवप्रवेशीलाई राजमोको सदस्यता प्रदान गर्दै सङ्गठनमा भित्र्याइएको थियो ।
