तौलिहवा । कपिलवस्तु शिवराज नगरपालिका वडा नं. ३ को कटुवागाउँमा राष्ट्रिय जनमोर्चा को भेला सम्पन्न भएको छ ।
राजमो कपिलवस्तुको सचिव केरसिंह अदैको प्रमुख आतिथ्यमा २०८० फागुन ५ गते शनिबार उक्त भेला सम्पन्न भएको हो ।
भेलालाई सम्बोधन गर्दै सचिव अदैले देशको राष्ट्रिय राजनीतिमा राष्ट्रिय जनमोर्चाले लिएको नीति, कार्यक्रम, सङ्घर्ष जनताले बुझ्दै गएको बताउनुभयो ।
सङ्घीयताको दुष्परिणाम जनताले बुझ्दै गएको बताउँदै उहाँले देशमा प्रतिगमनको विषालु हावा चल्दै गएकाले गणतन्त्र, र धर्मनिरपेक्षताको रक्षा अहिलेको प्रमुख दायित्व भएको बताउनुभयो ।
कार्यक्रममा राजमो कपिलवस्तुका सल्लाहकार चेतनारायण खनालले देशमा बढ्दै गइरहेको भ्रस्टाचार, अनियमितताको विरोध गर्नुभएको थियो ।
अध्यक्षमा अब्दुल हसिब
भेलाले अब्दुल हसिब मुसलमान अध्यक्ष रहनुभएको ११ सदस्यीय राजमोको कटुवा गाउँ समिति गठन गरेको छ ।
समितिको उपाध्यक्षमा उपाध्यक्षमा मोमिना खातुन, सचिवमा शिवपूजन धवल, सहसचिवमा किशलावती धवल र कोषाध्यक्षमा दशरथ अहिर रहनुभएको छ ।
त्यस्तै, सदस्यहरूमा सुकै धोबी, बुधै यादव, सलमान मुसलमान र वरशती कुर्मी रहनुभएको छ ।
भेलाले धनाई कलवारलाई सल्लाहकारमा चयन गरेको छ ।
भेला अब्दुल हसिबको अध्यक्षता तथा शिवपूजन धवलको उद्घोषणमा सम्पन्न भएको थियो ।
