काठमाडौँ । अखिल नेपाल प्रगतिशील लेखन सङ्घ (अन्पा), लुम्बिनी प्रदेश समितिको आयोजनामा पहिलो रचना वाचन कार्यक्रम सम्पन्न भएको छ ।
केन्द्रीय अध्यक्ष समीर सिंहको प्रमुख आतिथ्यमा २०८० फागुन ४ गते शुक्रबार साँझ भर्चुअल माध्यमबाट उक्त कार्यक्रम सम्पन्न भएको हो ।
कार्यक्रममा प्रमुख अतिथि समीर सिंहले कविताको समीक्षा गर्दै रचना वाचनसमेत गर्नुभएको थियो ।
सो अवसरमा उहाँले अन्पाले विचार र सिर्जनालाई जोड्दै प्रगतिशील तथा प्रगतिवादी साहित्यिक आन्दोलनलाई अगाडि बढाउनुपर्दछ भन्ने मान्यता राखेको बताउनुभयो ।
विशिष्ट अतिथि उपाध्यक्ष रामदेव पाण्डे रहनुभएको सो कार्यक्रममा रवि पौडेल, बाबुराम आचार्य, टीकासङ्गम, धनप्रसाद पुन, सुरेशकुमार पाण्डे, मनिराम खनाल, कल्पना पौडेल ‘जिज्ञासु’ र रामप्रसाद गैरेले रचना वाचन गर्नुभएको थियो ।
अन्पा प्रदेश समितिका अध्यक्ष रामप्रसाद गैरे ‘पाल्पाली को अध्यक्षता तथा प्रदेश सचिव कल्पना पौडेल ‘जिज्ञासु’ को सञ्चालनमा अगाडि बढेको उक्त कार्यक्रमा स्वागत मन्तव्य उपाध्यक्ष सुरेशकुमार पाण्डेले राख्नुभएको थियो ।
