मुसिकोट । प्रगतिशील लेखक सङ्घ रुकुम पश्चिमको चौथो जिल्ला सम्मेलन सम्पन्न भएको छ ।
प्रलेस केन्द्रीय समितिका सचिव गिरिप्रसाद बुढाको प्रमुख आतिथ्यमा २०८० माघ १६ गते मङ्गलबार मुसिकोट बहुमुखी क्याम्पस खलङ्गाको सभाहलमा सो सम्मेलन सम्पन्न भएको हो ।
कार्यक्रममा रुकुम पश्चिम जिल्ला समन्वय समितिका प्रमुख लुम्बिनी गौतम, कृष्णसेन इच्छुक प्रतिष्ठानका प्राज्ञसभा सदस्य खगेश्वर भण्डारी, रुकुम क्याम्पसका प्रमुख मिनबहादुर पुन, मुसिकोट बहुमुखी क्याम्पसका प्रमुख बुद्धिप्रसाद गौतम, जनविकास पुस्तकालयका उपाध्यक्ष नारायणप्रसाद शर्मालगायतको आतिथ्य रहेको थियो ।
उद्घाटन समारोह समापन लगतै मुकुन्दप्रसाद शर्मा, कमप्रसाद देवकोटा र खगेश्वर भण्डारी रहेको तीन सदस्यीय अध्यक्षमण्डल चयन गरी सम्मेलनको बन्दशत्र प्रारम्भ गरिएको थियो ।
अध्यक्ष मण्डलको तर्फबाट मुकुन्दप्रसाद शर्माको अध्यक्षता तथा कमप्रसाद देवकोटाको सञ्चालनमा अगाडि बढेको बन्दशत्रमा आर्थिक तथा साङ्गठनिक प्रतिवेदन सचिव खेमराज खड्काले प्रस्तुत गर्नुभएको थियो । सो प्रतिवेदन पारित भएपश्चात् नयाँ कार्य समिति चयन प्रक्रिया अघि बढाइएको थियो ।
सम्मेलनले खेमराज खड्काको अध्यक्ष रहनुभएको नौ सदस्यीय प्रलेसको रुकुम पश्चिम जिल्ला समिति गठन गरेको छ ।
समितिमा उपाध्यक्ष विरबहादुर केसी, सचिव सीता बुढा, सहसचिव छविलाल खड्का र कोषाध्यक्ष कुबेर ओली रहनुभएको छ ।
त्यस्तै सदस्यमा सत्यनारायण श्रेष्ठ, गोपाल केसी र हरिपवन पहरखड्का चयन हुनुभएको छ ।
कार्यक्रमा प्रगतिशील साहित्यमा योगदान पुर्याएकोमा साहित्यकार नदिराम केसी र साहित्यकार कमप्रसाद देवकोटालाई सम्मान गरिएको थियो ।
प्रलेसका जिल्ला अध्यक्ष मनलाल ओलीको अध्यक्षता तथा सचिव खेमराज खड्काको सञ्चालनमा अघि बढेको सम्मलेनमा जिल्ला उपाध्यक्ष वीरबहादुर केसीले स्वागत मन्तव्य राख्नुभएको थियो ।
