टुकबहादुर रामदाम, मस्कट ।
गुल्मी सेवा समाज ओमानले ओमानको नेपाली दूतावासलार्ई पेन्टिङ हस्तान्तरण गरेको छ ।
समाजका अध्यक्ष सूर्य पन्थीको उपस्थितिमा २०८० मङ्सिर ८ गते सो पेन्टिङ हस्तान्तरण गरिएको हो ।
राजदूत डोरनाथ अर्याल, सचिव विशेषकुमार शाह, श्रम सहचारी गोविन्द आचार्य र रमेश अर्याललाई समाजका संस्थापक अध्यक्ष घनश्याम भण्डारी, पूर्व अध्यक्ष दुर्गाप्रसाद ढकाल, कोषाध्यक्ष ठाकुरप्रसाद डम्मपाल, सल्लाहकार चिन्तामणि पाण्डे र भेषबहादुर कुँवरलगायतले उपस्थितिमा दूतावासको प्राङ्गणमा एक औपचारिक कार्यक्रममा पेन्टिङ हस्तान्तरण गर्नुभएको थियो ।
सो अवसरमा द्विपक्षीय सहयोग तथा आपसी हितका विभिन्न विषयमा छलफल भएको थियो ।
पेन्टिङमा गुल्मीको भौगोलिक बनावट, वनजङ्गल, प्राचीन मठमन्दिर, गुफा, तालपोखरी तथा कला सांस्कृतिक पक्ष समेटिएको छ ।
कार्यक्रममा सो पेन्टिङ बनाउनुभएका प्रकाश ढकाल र दुर्गा केसीलाई समाजको तर्फबाट धन्यवाद ज्ञापन गरिएकोे थियो ।
