नयाँदिल्ली । भारतव्यापी रूपमा प्रगतिशील देउसीभैलो सम्पन्न भएकोमा मूल प्रवाह अखिल भारत नेपाली एकता समाजले धन्यवाद ज्ञापन गरेको छ ।
अध्यक्ष ठाकुर खनालको हस्ताक्षरमा नोभेम्बर २०, २०२३ का दिन प्रेसवक्तव्य जारी गर्दै मूल प्रवाहले धन्यवाद ज्ञापन गरेको हो ।
वक्तव्यमा अध्यक्ष खनालले भारत प्रवासमा प्रगतिशील देउसीभैलोको सुरुआत मूल प्रवाह अखिल भारत नेपाली एकता समाजले गरेको दाबी गर्नुभएको छ ।
उहाँले विभिन्न पक्षले नेपाली भाषा, संस्कृति संरक्षणको नाममा बुर्जुवा पश्चात्य संस्कृतिलाई अगाडि बढाउने र प्रगतिशील आन्दोलनसामु अवरोध पैदा गर्ने कोसिस गरेको अध्यक्ष खनालले आरोप लगाउनुभएको छ ।
वक्तव्यमा लेखिएको छ स:
“भारतका विभिन्न नगरमा नोभेम्बर १२, २०२३ देखि सुरु गरिएको प्रगतिशील–जनवादी देउसीभैलो कार्यक्रम सम्पन्न भएका छन् ।
सामन्ती तथा साम्राज्यवादी पाश्चात्य संस्कृतिको विरुद्धमा प्रगतिशील कलासंस्कृतिको प्रचारप्रसारका लागि अहोरात्र खटिनुभएका कलाकार, नेता, कार्यकर्ता एवम् शुभचिन्तकलाई धन्यवाद प्रकट गर्दछौँ । साथै भैलोलाई आर्थिक सहयोग गर्ने सम्पूर्ण सहयोगीलाई मूल प्रवाह अखिल भारत नेपाली एकता समाज केन्द्रीय समितिको तर्फबाट हार्दिक धन्यवाद ज्ञापन गर्दछौँ ।
मूल प्रवाहले आफ्नो स्थापनाको अर्को वर्ष १९८० देखि विभिन्न सहरमा लगातार प्रगतिशील–जनवादी देउसीभैलो कार्यक्रम सम्पन्न गर्दै आएको छ । सुरुआती दिनमा तानाशाही पञ्चायती व्यवस्थाका भरौटे तथा सुराकीका साथै कुसंस्कार, कुरीतिमा हुर्किएको समाजबाट पनि त्यसको प्रतिकार गर्दै देउसीभैलोमाथि आक्रमण गर्नेसम्मका घटनाको सामना गर्दै प्रगतिशील–जनवादी देउसीभैलो कार्यक्रम पनि लगातार अगाडि बढिरहेको छ ।
२०४६ सालमा पञ्चायती व्यवस्थाको अन्तपछि नेपालको राजनीतिक वातावरणमा परिवर्तन भयो । त्यसपछि भारतमा देउसीभैलो कार्यक्रमले व्यापकता लिँदै गएको हो । विगतमा प्रगतिशील–जनवादी देउसीभैलोमाथि आक्रमण गर्नेहरूसमेत अहिले विभिन्न सङ्घसंस्थाको नाममा भैलो कार्यक्रममा सहभागी भएका छन् । साथै अन्य व्यक्तिले पनि नेपाली भाषासंस्कृतिको संरक्षणको नाममा भैलो तथा विभिन्न प्रकारका सांस्कृतिक गतिविधि सञ्चालन गरेका छन् तर उनीहरूले नेपाली समाजमा विद्यमान सामन्ती संस्कार एवम् पाश्चात्य छाडासंस्कृतिलाई समेत अगाडि बढाइरहेका छन् । त्यस प्रकारका कार्यक्रमले नेपालीमा मनोरञ्जन दिएता पनि नेपाली जनताको मुक्तिकामी भावनालाई जान वा अन्जान कुण्ठित बनाउने तथा सचेत राजनीतिक आन्दोलनबाट विमुख बनाउने काम गरेका छन् ।
सुसंस्कृत समाजका लागि सामाजिक रूपान्तरण पनि महŒवपूर्ण विषय हो । नेपाली समाजमा विद्यमान सामन्ती संस्कार र आगन्तुक पश्चिमी संस्कृतिलाई रूपान्तरण गरी प्रगतिशील–जनवादी संस्कृतिलाई अगाडि बढाउनु आजको आवश्यकता हो । हामी सम्पूर्ण कलाकारलाई आफ्नो कलालाई प्रगतिशील–जनवादी, शोषितपीडित जनताको मुक्तिको पक्षमा अगाडि बढाउन आह्।वान गर्दछौँ ।
अन्तमा वि।सं। २०८० साल सन् २०२३० को तिहारको उपलक्ष्यमा आयोजना गरिएको प्रगतिशील देउसीभैलो कार्यक्रमलाई आर्थिक, नैतिक एवम् भौतिक रूपमा सहयोग गर्नुहुने सम्पूर्णलाई पुनस् धन्यवाद ज्ञापन गर्दछौँ ।”
भारतमा मूल प्रवाह र त्यसअन्तर्गतको सांस्कृतिक विभागको आयोजनामा नोभेम्बर १२ देखि प्रगतिशील देउसीभैलो सम्पन्न भएको थियो ।
कार्यक्रममा गीतसङ्गीत र नृत्य प्रस्तुत गरिएको थियो । त्यसका साथै कतिपय नगरमा घरदैलो र शुभकामना आदानप्रदान पनि गरिएको थियो ।
