शङ्करप्रसाद पोख्रेल (रुपन्देही, बुटवल) ।
राष्ट्रिय जनमोर्चाका अध्यक्ष तथा प्रतिनिधि सभा सांसद चित्रबहादुर केसीले रक्तिमले जनतालाई छिटो कुरा बुझाउन सक्ने बताउनु भएको छ ।
राष्ट्रिय जनमोर्चा रुपन्देहीद्वारा आयोजित रक्तिम सांस्कृतिक अभियानको जनवादी देउसीभैलो समापन कार्यक्रममा बोल्दै केसीले यस्तो धारणा राख्नुभएको हो ।
उहाँले रक्तिम सांस्कृतिक अभियानले दिने जनवादी गित र नृत्यले जनतालाई छिटो परिवर्तनको पक्षमा कुरा बुझाउने बताउँनु भएको थियो ।
कलाकारहरू पार्टीका मात्र नभएर राष्ट्रकापनी गहना भएको केसीको भनाई थियो।
सो कार्यक्रममा राष्ट्रिय जनमोर्चाकी उपाध्यक्ष दुर्गा पौडेल, प्रदेस सांसद तारा थापा, राजमो केन्द्रिय सल्लाहकार बद्रे आलाम, कम्युनिस्ट संग्रहालयका अध्यक्ष चेतनाथ आचार्य, अखिल (छैठौं) का अध्यक्ष देबेन्द्र कुँवर, बुद्धिजिवी सङ्घका दुर्गा खरेल, राजमो कार्यलय सचिव भिमलाल न्यौपाने, अखिल नेपाल राष्ट्रिय उधोग व्यापार सङ्घका अध्यक्ष ढुन्डिराज शर्मा र राजमो नेताहरू गणेश गौतम, पदम श्रेष्ठ, कृष्णबम मल्ल, सरीता जिसी, रामकुमार क्षेत्री लगायतको पनि उपस्तिथि रहेको थियो ।
त्यस्तै, रक्तिमका कलाकार तेजेन्द्र थापा, सीता बस्याल, सुमन रोकामगर, समीर विक, पूजा एसके, मिरा बस्याल बिजयलगायत सम्पूर्ण देउसीभैलो टिमको उपस्थितिमा उक्त कार्यक्रम समापन गरिएको थियो ।
कार्यक्रमको अध्यक्षता राष्ट्रिय जनमोर्चा रुपन्देही जिल्ला अध्यक्ष टानबहादुर केसी, सञ्चालन जिल्ला सचिव कृष्णप्रसाद पोख्रेल र स्वागत सीता बस्यालले गर्नुभएको थियो
