खिमराज चालिसे (चंडिगढ)
मूल प्रवाह अखिल भारत नेपाली एकता समाज चंडिगढमा चलिरहेको तिनवटै टिमले देउसी भैलो कार्यक्रम समापन गरेको छ ।

१५ नोभेम्बर २०२३ का दिन लगातार चार दिनदेखी चलिरहेको २०८० सालको देउसीभैलो हिजो राती समापन भएको हो ।

टिम ए को समापनको घोषणा टिम संयोजक प्रेम आचार्यले टिमका सम्पुर्ण सहभागी सदस्यहररूलाई धन्यवाद दिँदै गर्नुभएको थियो ।

टिम बी को समापन समारोहलाई मूल प्रवाह केन्द्रीय सदस्य दिनेश खडकाले सम्धबोन गर्दै मूल प्रवाहको झन्डामुनि लगातार चार दिन सम्म खेलेको भैलोको अनुभव र महत्ववारे गहकिला विचार राख्नु भएको थियो ।

खडकाले सङ्घीयता र एमसिसी खारेजको आन्दोलन अगाडि बढाउँदै राष्ट्रियता र गणतन्त्रको रक्षाको लागी प्रवासी नेपालीहररू जुटनु पर्ने धारणा समेत राख्नु भएको थियो।

त्यस्तै अर्का वक्ता मूल प्रवाह केन्द्रीय सदस्य खिमराज चालिसेले प्रगतिशिल भैलोको आवश्यकता बारे प्रकाश पार्नु भएको थियो ।

समारोहमा आआफ्ना अनुभव सहित विचार राख्दै बोल्ने वक्ताहररूमा मूलप्रवाह सुदूर पश्चीमोत्तर क्षेत्रीय सदस्य जुना चालिसे, नगर समितीका लक्ष्मण पान्डे, लक्ष्मण खनाल, विद्यार्थी सङ्घ नगर सचिव सुरज चालिसे, सदस्य दिपक चालीसे, साँस्कृतिक विभागका नारायण आचार्य, महिला विभागका लक्ष्मी अधिकारी, तारा ज्ञावली, सुनिता, निसा सोनी, ईन्दिरा पौडेल, जमुना पान्डे, मैस बाट रुद्र अधिकारी, भैलो टिमका सहभागीहरू भोजराज खनाल, सन्तोष पन्थ, रितु पन्त, मनिराम पोखरेल, मधुसुधन ज्ञावली, नम्रता भुसाल र भाईचारा सङ्गठनका गोविन्द भुसाल लगाएत हुनुहुन्थ्यो ।

अन्तमा भैलो टिम बि का संयोजक खिमराज चालिसेले भैलोको आयव्यय प्रस्तुत गर्दै सहभागीहररूलाई धन्यवाद ज्ञापन गर्नु भएको थियो ।

कार्यक्रम सरस्वता भुसालको अध्यक्षतामा तथा भैलो टिम कोषाध्यक्ष थानेश्वर पान्डेको सञ्चालनमा सम्पन्न भएको हो भने स्वागत सिमा खडकाले गर्नु भएको थियो ।

त्यसैगरि भैलो टीम सी को भैलो समापन संयोजक थमन थापाले कलाकार तथा टिममा सहभागी सबैजनालाई धन्यवाद ज्ञापन गर्नु भएको थियो ।

भैलोको अनुभव बारे महिला विभाग सदस्य जमुना खड्का, रक्तिम सांस्कृतिक परिवारका अर्जुन विक र विद्यार्थी नगर अध्यक्ष राम पन्थीले गहकिला विचार राख्नु भएको थियो ।

कार्यक्रम मान बहादुर केसीको अध्यक्षतामा तथा तेजबहादुर रोकाको सञ्चालनमा सम्पन्न भएको थियो ।