खिमराज चालिसे, चन्डिगढ (भारत) ।
मूल प्रवाह अखिल भारत नेपाली एकता समाज जालन्धर र हिसार नगर समितिले २०८० को तिहारको उपलक्ष्यमा खेलेको भैलोको नोभेम्बर १३, २०२३ का दिनन समापन गरेका छन् ।
मूल प्रवाहको जालन्धर नगरले आइतबार उद्घाटन गरेको देउसीभैलो दुई दिनसम्म जनताको घरदैलोमा खेली सोमबार समापन गरेको छ ।
मूल प्रवाहका केन्द्रीय सदस्य धनबहादुर गोर्खालीले दियो बालेर उद्घाटन गरेको भैलो दुई टिममा बाडिएको थियो ।
केन्द्रीय सदस्य कुलबहादुर बगालेद्वारा भैलो टोलीलाई अबिर, केन्द्रीय परिषद् सदस्य जमुना गाहाले फूलमाला र देवसिंह गुरुङले ब्याच लगाइदिएर भैलो आरम्भ भएको थियो ।
समारोहमा मूल प्रवाहका सुदूरपश्चोमोत्तर महिला क्षेत्रीय सदस्य मीना थापा र मीना बगाले, अखिल नेपाल शिक्षक सङ्घ अर्घाखाँचीका उपाध्यक्ष यज्ञप्रसाद भुसाल, प्युठान नगर कार्यपालिका सदस्य मिनबहादुर बस्याललगायत नेताहरूको आतिथ्य रहेको थियो ।
कार्यक्रम जितमान थापाको अध्यक्षतामा तथा लक्ष्मण खड्काको सञ्चालनमा सम्पन्न भएको हो भने स्वागत शुष्मा खड्काले गर्नुभएको थियो ।
हिसारमा मूल प्रवाह नगर समितीको आयोजनामा १३ नोभेम्बर २०२३ सोमबारका दिन देउसीभैलो कार्यक्रम सम्पन्न भएको छ ।
उदघाटन कार्यक्रममा मूल प्रवाहको देउसीभैलोको महत्त्व र आवश्यकताबारे चर्चा गर्दै केन्द्रीय परिषद् सदस्य केहरसिंह घर्ती मगर, क्षेत्रीय सदस्य लालबहादुर चुदाली, सुरेश क्षेत्री, ओमप्रकाश तिवारी, महिला क्षेत्रीय सदस्यह सेती राना, कमला बगाले, सीता पोख्रेल, नगर सदस्य नन्दबहादुर लम्तरी, जनजाति विभागका मनबहादुर घर्तीमगर, विद्यार्थी सङ्घकी रक्षा सोमरे, रक्तिम विभागका दीपा लम्तरीलगायतले मन्तव्य राख्नुभएको थियो ।
कार्यक्रम नारायण विकको सञ्चालनमा, बाबुराम पोख्रेलको अध्यक्षतामा र दुर्गा शर्माको स्वागत मन्तव्यसँगै सम्पन्न भएको थियो ।
