दिनेस रैदास, दाङ ।

राष्ट्रिय जनमोर्चा घोराही नगर समितिले प्रगतिशील देउसीभैलो कार्यक्रम सञ्चालन गरेको छ ।

राजमो कार्यालय घोराहीबाट २०८० कात्तिक २७ गते सोमबारदेखि सुरु भएको देउसीभैलो आनन्दपुर टोल, काठेकोहल, नेत्रलालचोक, सहिदगेट हुँदै उमेशमार्गलगायत ठाउँमा खेलिएको थियो ।

कार्यक्रममा राजमो केन्द्रीय सदस्य तथा दाङ जिल्ला अध्यक्ष गणेश आचार्य तथा राजमो जिल्ला कोषाध्यक्ष हरि खरेलको नेतृत्व रहेको छ ।

राजमो एवम् विभिन्न जनवर्गीय सङ्गठनका जिल्ला, नगर तथा वडास्तरीय नेता तथा कार्यकर्ताहरूको उक्त कार्यक्रममा सहभागिता रहेको छ ।

यता, दाङकै तुलसीपुर, लमही, राप्ती र गढवामा पनि राजमोले देउसीभैलो कार्यक्रम सञ्चालन गरिरहेको छ ।