बागलुङबजार । राष्ट्रिय जनमोर्चा गलकोटले २०८० कात्तिक २६ गते आइतबारदेखि गलकोट नगरपालिका वडा नम्बर ९ मल्मदेखि प्रगतिशील देउसीभैलो कार्यक्रम सुरु गरेको छ ।

देउसीभैलो कार्यक्रममा राजमो केन्द्रीय सदस्य बेदीलाल सापकोटा, जिल्ला सल्लाहकार तथा गलकोट नगर अध्यक्ष टङ्क केसीको नेतृत्वमा रक्तिम सांस्कृतिक अभियानका कलाकारको प्रस्तुति रहेको छ ।

राजमो एवम् विभिन्न जनवर्गीय सङ्गठनका जिल्ला, नगर तथा वडास्तरीय नेता तथा कार्यकर्ताहरूको उक्त कार्यक्रममा सहभागिता रहेको जानकारी प्राप्त भएको छ ।

देउसीभैलो कार्यक्रम नगरका विभिन्न वडाहरू काडेबास, रिघा, हरिचौर, हटिया, नरेठाटी, दुदिलाभाटीमा सञ्चालन हुने राजमो केन्द्रीय सदस्य सापकोटाले जानकारीी गराउनुभएको छ ।