काठमाडौं । हरेक वर्ष जस्तै रक्तिम सांस्कृतिक अभियानले काठमाडौंमा देउसीभैलो खेल्न सुरु गरेको छ । रक्तिमका महासचिव हेमराज आश्रम नेतृत्वको कलाकार टोलीले कपनस्थित राजमो केन्द्रीय कार्यालय आसपास क्षेत्रबाट भैलो खेल्न सुरु गरेको हो ।
तिहार–२०८० का अवसरमा रक्तिम सांस्कृतिक अभियान र राष्ट्रिय जनमोर्चा, जिल्ला समिति काठमाडौंको आयोजनामा २०८० कात्तिक २६ गते आइतबारबाट देउसी भैलो खेल्न लागिएको राजमोले जनाएको छ ।
रक्तिम र राष्ट्रिय जनमोर्चाले हरेक वर्ष काठमाडौंमा प्रगतिशील देउसी भैलो खेल्ने गर्दछन् । यस वर्ष पनि काठमाडौंलगायत देशका विभिन्न जिल्ला र प्रवासमासमेत राजमोसहित विभिन्न जनवर्गीय संगठनको आयोजनामा देउसी भैलोको कार्यक्रम सुरु भएको छ ।
काठमाडौंमा आयोजित कार्यक्रममा रक्तिमका तिहारसम्बन्धी गीतहरु तिहार आयो (सोरठी), सयपत्री फूल्दा, उस्तै छ हामीलाई, बढ्दै जाऊ, बाबा नबस विदेशमा, छमछम नाचिदेउ, सधैँभरी, पैयुँ फूल्दालगायत प्रस्तुत गरिनेछ ।
ती गीतमा हेमराज आश्रम, पियारी थापा, मेस्मा पुन, कविता चौधरी, पूजा बेल्बासे, राम राना, प्रयास थापा, विजय घर्तीमगर, सुप्रभात कार्की, निलम सिञ्जाली, मनिषा सिञ्जाली, अप्सरा पौडेल, सीमा रेग्मी, युजिन श्रेष्ठ, एलिसा पुन, रेशम बुढाथोकी, उद्धव बोहरा, सुप्रिम कार्की, निषा विश्वकर्मा, सिमरन अधिकारीलगायत कलाकारको अभिनय तथा नृत्य रहने रक्तिमले जनाएको छ ।
भैलो टोलीको व्यवस्थापनका लागि राजमो उपाध्यक्ष दुर्गा पौडेल, नेताहरुमिना पुन, आनन्दराज शर्मा, मधु क्षेत्री, छवि खनाल, गोविन्द शर्मालगायत नियमित रहनुहुने राजमोले जनाएको छ ।
