काठमाडौं । कञ्चनपुरको पुनर्वासमा सीमा अतिक्रमणविरुद्ध लड्दालड्दै सहादत प्राप्त गरेका सहिद गोविन्द गौतमकी आमा हरिदेवी गौतमको निधन भएको छ ।

केही दिनदेखि बिरामी भएर भेरी अञ्चल अस्पताल नेपालगञ्जमा उपचाररत ६८ वर्षीया हरिदेवि गौतमलाई अस्पतालले निको नभएपछि बिहीबार डिस्चार्ज गरेको थियो । उहाँको शनिबार राति निधन भएको पारिवारिक स्रोतले जनाएको छ ।

पुनर्वासको आनन्द बजारमा कल्भर्ट बनाउने क्रममा विवाद हुँदा २०७३ फाल्गुन २६ गते भारतीय सुरक्षाकर्मीको गोली लागेर गोविन्द गौतमको ज्यान गएको थियो । गौतमलाई सहिद घोषणा गरि आनन्द बजारमा शालिक निर्माण गरिएको छ ।

सहिद गोविन्दका पिता खेमलाल गौतमसहित श्रीमती र तीन सन्तान छन् ।