निलगिरी (भारत) । मूल प्रवाह अखिल भारत नेपाली एकता समाज निलगिरी नगर समितिका पूर्वसदस्य रामबहादुर बिएम पुत्रशोकमा पर्नुभएको छ । उहाँका कान्छो छोरा २७ वर्षीय किरणकुमार बिएमको २१ अक्टुबर २०२३ आइतबार मोटरसाइकल दुर्घटनामा परि निधन भएको छ ।
घटनाको जानकारी पाउँना साथ मूल प्रवाह अखिल भारत नेपाली एकता समाज निलगिरी नगर समितिका अध्यक्ष एवं दक्षिण भारत क्षेत्रीय समितिका वैकल्पिक सदस्य टेकबहादुर विक, क्षेत्रीय प्रतिनिधि जगतबहादुर हमाल, क्षेत्रीय सदस्य वीरे थापा, नगर समितिका उपाध्यक्ष लोकेन्द्र विक लगायतको प्रतिनिधि टोली घटनास्थलमा पुगेको थियो ।
मृतकका परिवारजन र समाजका प्रतिनिधि टोलीको रोहबरमा पोस्टमार्टम र हस्पिटलको प्रक्रिया पुरा गरि वेलिटेन समशानघाटमा दाहसंस्कार गरिएको छ । अन्त्येष्टिका क्रममा मृतकको सम्झनामा एक मिनेट मौनधारण गरिएको थियो ।
मृतक प्युठानको स्वर्गद्वारी नगरपालिका–७ निवासी हुन् । बिएम परिवार हाल कुन्नुर बेडफोरमा बगैंचा र झरोगा रस्टुरेट व्यवसाय चलाउँदै आएका छन् ।
