काठमाडौँ । नेपालकै पहिलो नृत्य निर्देशकको अवार्ड ‘पहिलो एनडिए डान्स डाइरेक्टर अवार्ड–२०८०’ को उत्कृष्ट मनोनयन कार्यक्रम सम्पन्न भएको छ ।

नेशनल डाइनामिक आर्ट्स (एनडिए) प्रालिको आयोजनामा ३२ विधामा प्रमाणपत्र वितरण गरिएको थियो । मनोनयन कार्यक्रम काठमाडौँको चावहिलस्थित ए वान पार्टी प्यालेसमा उक्त कार्यक्रम सम्पन्न भएको हो ।

कार्यक्रममा विशेष अतिथि, जुरी एवम् वरिष्ठ चलचित्र निर्देशक कमल राईले नाट्यश्वरको मूर्तिलाई पूजा गरी कार्यक्रमको उदघाटन गरेका थिए भने एनडिए डान्स स्टुडियोका विद्यार्थिले स्वागत नृत्य प्रस्तुत गरेका थिए ।

संस्थाका निर्देशक छिरिङ लामाले स्वागत मन्तव्यबाट सुरु गरिएको उक्त कार्यक्रममा दिवङ्गत नृत्य निर्देशकप्रति मौनधारणा गरेका थिए भने संस्थाका सचिव प्रकाश शर्माले खादाद्वारा सम्मान गरिएको थियो ।

कार्यक्रमका सभापति एवम् अध्यक्ष देवराज गुरुङले पहिलोपटक निर्देशकलाई प्रोत्साहन र हौसला प्रदान गर्नका निम्ति नेपालमै पहिलोपटक डान्स डाइरेक्टरको अवार्ड कार्यकम आयोजना गरिएको बताए ।

संस्थाका प्रवन्ध निर्देशक केशव कोइरालाले नृत्य निर्देशकलाई समेटिएर गर्न लागेको यो अवार्ड विश्वमा नै पहिलो भएको दाबी गरे ।

अवार्ड कार्यक्रमको नोमिनेसनका लागि जुरी टिममा शम्भु शाही, गोविन्द प्रभात र कृष्ण रसाल रहेका छन भने फाइनलका लागी जुरीमा भूवनदास श्रेष्ठ, कमल राई, आरसी कोइराला, रोचक थापा, जोगेन्द्र केसी र प्रदीपरमण सिंह डङ्गोल रहेका छन् ।

कार्यक्रम संस्थाका आर्थिक संयोजक चूडामणि फुयालले सञ्चालन गरेका थिए । कार्यक्रममा पत्रकार, कलकार, समाजसेवी तथा सङ्घसंस्थाका प्रतिनिधिको बाक्लो उपस्थिति रहेको थियो ।

यी हुन् मनोनयमा परेका नृत्य निर्देशक

धिमाल विधामा नरेश घले र हिरा तामाङ

मारुनी विधामा ममता राई र आशिष रुम्बा

राई जातिको बिधामा रितु खड्का, प्रबिन भुजेल, कृष्ण राना र नबिना केसी, सुनिता महर्जन

तामाङ जातिको विधामा सरस्वती पोख्रेल, अनिता लामा र निरु फुयाल

नेवारी विधामा दीपक बज्राचार्य, रबिन्सन श्रेष्ठ, बबिता गोपाली “तिमिला” र प्रबिन भुजेल, सुनिता महर्जन

थारू विधामा नारायणी थापामगर, अष्टमान तामाङ, दिलबहादुर सुनार, प्रबिन भुजेल र अनिल भुजेल

तिज विधामा कृष्ण राना, सीतामाया श्रेष्ठ र नारायणी थापामगर

कौडा विधामा टेकछिरिङ लामा, शङ्कर बिश्वकर्मा, पर्सन गुरुङ, कौशिका खड्का र अस्मिता पराजुली

शेब्रु विधामा निर्जला राई, शङ्कर बिश्वकर्मा र सुनिल गिरी

थकाली विधामा सोनु लामा र सुरज तामाङ

झिझिया विधामा कृष लिम्बु र नारायणी थापा मगर

हुड्केली विधामा लक्ष्मी पुरी गुरुङ र मनु लिम्बू

मेचे विधामा लोकचन्द्र श्रेष्ठ (एल.सी) र अनिल भुजेल

सर्वोत्कृष्ट विधामा दिवस गिरी

जङ्गली बादशाह विधामा कृष्णबहादुर भट्ट

असारे बेठी बिधामा युवराज गुरुङ

झ्याउरे नृत्य विधामा समीर शङ्खदेव प्रजापति

मयूर नृत्य विधामा मनाङ गुरुङ