बागलुङबजार । राष्ट्रिय जनमोर्चाले सञ्चालन गरेको विशेष सङ्गठनात्मक अभियानअन्तर्गत काठेखोला गाउँपालिका वडा नं. ४ तङ्ग्राममा प्रशिक्षणभेला सम्पन्न भएको छ ।
राजमो बागलुङका अध्यक्ष तिलक थापाको प्रमुख आतिथ्यमा २०८० असोज २० गते शनिबार सो कार्यक्रम सम्पन्न भएको हो ।
कार्यक्रममा राजमो जिल्ला सचिवालय सदस्य लक्ष्मण पुन, अखिल नेपाल जनजाति सम्मेलन बागलुङको उपाध्यक्ष ओमबहादुर पुनलगायतको प्रशिक्षणात्मक मन्तव्य दिनुभएको थियोे ।
सो अवसरमा जनजाति सम्मेलन बागलुङका सदस्य थमन पुन, अखिल नेपाल किसान महासङ्घ (अप्फा) बागलुङका सदस्य दिलबहादुर पुनलगायतका आतिथ्य रहेको थियोे ।
कार्यक्रम राजमो वडासमितिका अध्यक्ष विष्णु कँडेलको अध्यक्षता, सचिव थिरबहादुर राना स्वागत र जिल्ला सदस्य टीकासङ्गम विकको सञ्चालनमा सम्पन्न भएको थियोे ।
प्रशिक्षण भेलाले साविक वडास्तरीय टोल भेला तथा सदस्यता वितरण गर्ने निर्णय गरेको बागलुङबाट प्राप्त समाचारमा उल्लेख छ ।
