सन्तोष सुनार, सन्धिखर्क ।
राष्ट्रिय जनमोर्चा अर्घाखाँचीले सन्धिखर्क नगरपालिकाका १२ वटा वडाहरूमा सदस्यता वितरण सुरु गरेको छ । अभियान अन्तर्गत सोमबार पनि अर्घाखाँचीका विभिन्न पालिकामा सदस्यता वितरण तथा नवीकरण जारी राखेको छ ।
आइतबार नगरपालिकाको ७ नम्बर वडा खाँचिकोटका ८९ वर्षीय कुलबहादुर नेपालीलाई सदस्यता प्रदान गर्दै सो अभियान सुरु भएको थियो।
अभियानमा अर्घाखाँची जिल्लाको सन्धिखर्क नगपालिका वडा नं. ७ बाट सुरु भएको सो अभियानको दोस्रो दिनमा राजमो जिल्ला अध्यक्ष थम्मन केसी, जिल्ला कोषाध्यक्ष तथा सन्धिखर्क नगर समितिका अध्यक्ष गोविन्द बिसी, वामपन्थी नेता देवी पौडेल, जनजाती संघका जिल्ला अध्यक्ष जनक पुन, नगर समितिका सदस्य सालिकराम बन्जाडे, नगर सदस्य कृष्णप्रसाद खनाल, अखिल नेपाल युवक सङ्घका जिल्ला सदस्य सन्तोष सुनारलगायतको टोली नगरपालिकाको २ नं वडामा सहभागी भएको थिय्यो ।
२ नं. वडामा लामो समयदेखि पारिवारिक तथा स्वास्थ्य समस्याका कारण राजमो कार्यकर्ता मधु भाट (रायमाझी) ले पुनः सदस्यता लिई पार्टीमा सक्रिय हुने प्रतिवद्धता जाहेर गर्नुभएको छ ।
त्यस्तै, ८ नम्बर वडामा पनि ६२ वर्षीय चन्द्रबहादुर घर्ती पनि राजमोमा पुनः सक्रिय हुने बताउनुभयो । घर्तीले राजमोको सदस्यता लिँदै आफ्नो जीवन नै राष्ट्रिय जनमोर्चा भएको बताउनुभयो ।
सदस्यता वितरण अभियानमा सदस्यता नवीकरण र नयाँ सदस्यता लिने निकै उत्साहित देखिन्थे ।
नेकपा (मसाल) को ऐतिहासिक तीन अभियानअन्तर्गत सदस्यता वितरण अभियानको क्रममा साङ्गठनिक भेला, प्रशिक्षणलगायतका कार्यक्रम असोज १४ गतेदेखि जिल्लाभरी सुरु भएको जिल्ला अध्यक्ष केसीले जानकारी दिनभयो ।
