भरतपुर । चितवनको भरतपुर महानगरपालिका वडा नम्बर २३ जगत्पुरमा राष्ट्रिय जनमोर्चाको तेस्रो भेला सम्पन्न भएको छ ।
राजमो जिल्ला अध्यक्ष अमरबहादुर क्षेत्रीको प्रमुख आतिथ्यमा २०८० असोज १५ गते सोमबार सो भेला सम्पन्न भएको हो ।
भेलालाई राजमो केन्द्रीय सदस्य राजेन्द्र ढुङ्गानाका साथै रक्तिम सांस्कृतिक अभियानका उपाध्यक्ष मोहराज चालिसे, राजमो चितवनका सहसचिव यादवविलाल पन्त र जिल्ला सदस्य लछुमन चालिसेले सम्बोधन गर्नुभएको थियो ।
सो अवसरमा राजमो चितवनका सदस्य एलपी शर्माको पनि आतिथ्य रहेको थियो ।
भेला पूर्णकला चालिसेको अध्यक्षता तथा भगवती आचार्यको सञ्चालनमा सम्पन्न भएको थियो ।
भेलाले कालिदास सुवेदी अध्यक्ष रहनुभएको नौ पूर्ण, दुई वैकल्पिक सदस्य तथा तीन सल्लाहकारसहितको राजमोको वडासमिति गठन गरेको छ ।
समितिको उपाध्यक्षमा सोमनाथ ढुङ्गाना, सचिवमा भगवती आचार्य, सहसचिवमा शेखरनाथ आचार्य र कोषाध्यक्षमा खिमानन्द शर्मा रहनुभएको छ ।
त्यस्तै, सदस्यहरूमा गुणनिधि सुवेदी, पूर्णकला चालिसे, गणेश चालिसे र नेत्र ठकुरी रहनुभएको छ ।
एवम् प्रकारले भेलाबाट गीता सुवेदी र रमेश चालिसेलाई वैकल्पिक सदस्य तथा उमा चालिसे, मोहराज चालिसे र भागिरथ आचार्यलाई सल्लाहकारमा चयन गरिएको प्राप्त समाचारमा उल्लेख छ ।
