बेलबहादुर रजाली, जयपुर (भारत) ।
मूल प्रवाह अखिल भारत नेपाली एकता समाज जयपुर उत्तर एवम् दक्षिण महिला विभागको संयुक्त आयोजनामा १८ सितम्बर २०२३ का दिन सम्पन्न भएको प्रगतिशील तिजी कार्यक्रमको समीक्षा सम्पन्न भएको छ ।
टङ्क थापाको सञ्चालन र रिम रानाको अध्यक्षताबाट अगाडि बढेको समिक्षा कार्यक्रमको प्रमुख अतिथि मूल प्रवाह केन्द्रीय सदस्य मोहन गिरी हुनुहुन्थ्यो ।
कार्यक्रममा उपस्थित सम्पूर्ण कार्यकर्ताहरूले तिज कार्यक्रमको आआफ्नो ढङ्गबाट समीक्षा गर्नुभएको थियो । समग्रमा यो वर्षको तिजी कार्यक्रममा अपेक्षा गरेको भन्दा धेरै व्यवस्थित रूपमा तथा अधिक जनमानसको सहभागिता रहेको कार्यक्रममा बताइएको थियो ।
त्यस्तै, तिजी कार्यक्रमलाई सफल बनाउन लाग्नुहुने दुवै नगर समितिका साथी, महिला विभागका कार्यकर्ता, भारतीय पत्रकार सबैको सहयोगले कार्यक्रम भव्य रूपमा सफल भएको पनि बताइयो ।
